“МОНГОЛ-ИНДОНЕЗИЙН ХОЁР ТАЛТ ХАМТЫН АЖИЛЛАГААГ ӨРГӨЖҮҮЛЭХ БОЛОМЖ: ЭНХИЙГ САХИУЛАХ АЖИЛЛАГАА” СЭДЭВТ СЕМИНАР БОЛОВ

2017 оны 10 сарын 16

“Монгол-Индонезийн хоёр талт хамтын ажиллагааг өргөжүүлэх боломж:  Энхийг сахиулах ажиллагаа” сэдэвт семинар боллоо. Уулзалтыг Индонез Улсын талаас Бээжин дэх Индонез Улсын Элчин сайдын орлогч хатагтай Листиовати, Монгол Улсын талаас ЗХЖШ-ын Энхийг дэмжих-цэргийн хамтын ажиллагааны хэлтсийн дарга, хурандаа Ж.Молорболд нар удирдан явуулсан юм. Индонез Улсын ГХЯ-ны Олон талт хамтын ажиллагааны газрын Бодлогын хэрэгжилтийн газрын дарга Фикри Кассиды “Индонез Улсын гадаад бодлого-энхийг дэмжих ажиллагаан дахь оролцоо”, Монгол Улсын БХЯ-ны ГХАГ-ын ахлах мэргэжилтэн, дэд хурандаа Д.Мягмаржав “Монгол Улсын батлан хамгаалах бодлого цаашдын чиг хандлага, энхийг дэмжих ажиллагаанд оролцуулах шийдвэр”, Зэвсэгт хүчний 311 дүгээр ангийн ЭДА-ны сургалтын төвийн дарга, хурандаа Б.Бат-Эрдэнэ “Монгол Улсын Зэвсэгт хүчний ЭДА-н дахь оролцоо, хууль эрх зүйн үндэслэл, шийдвэр гаргах тогтолцоо”, Индонезийн Батлан хамгаалах хүчний Энхийг сахиулах төвийн төлөвлөлт, ажиллагааны менежментийн газрын төлөвлөлтийн дарга, дэд хурандаа Индра Прасетиаван “Индонез Улсын ЭДА-н дахь оролцоо, 2015-2019 онд хүрэх түвшин, алсын хараа” сэдэвт танилцуулгууд хийж хэлэлцүүлэг өрнүүлсэн юм.

Мөн энэ үеэр ЗХЖШ-ын орлогч дарга, хошууч генерал Ж.Бадамбазар хэлсэн үгэндээ, “Монгол, Индонез хоёр улсын Зэвсэгт хүчнүүд анх удаа ийм төрлийн арга хэмжээ зохион байгуулж байгаараа онцлог төдийгүй бидний цаашдын хамтын ажиллагааны эхлэл болно гэдэгт итгэлтэй байна” гэж онцлоод ЭДА-нд Монгол Улсын Зэвсэгт хүчний оролцоо, байр суурийн талаар мэдээлэл хийсэн юм. Харин Хатагтай Листиовати “Манай хоёр улс хоёулаа ардчилсан, НҮБ-ын гишүүн орны хувьд энхийг сахиулах салбарт хамтран ажиллах нь зүйтэй.  Иймд цаашид хоёр талын хамтын ажиллагааг чухал хэмээн Бээжин дэх Индонез Улсын Элчин сайдын яам уг семинарыг зохион байгуулж байна. Тус уулзалтад цаг зав гарган Монгол Улсын Зэвсэгт хүчний талаас оролцож буй бүрэлдэхүүнд талархаж байна. Та бүхний өргөн мэдлэг, туршлагын хүчээр бидний уулзалт үнэлж дүгнэх зүйл ихтэй, сонирхолтой боллоо” гэв.


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1058

Веб холбоос: 10

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2017