“ТӨРИЙН ДАЛБААНЫ ӨДӨР”-ИЙН БЭЛТГЭЛ ХАНГАГДСААР БАЙНА

2019 оны 07 сарын 06

     Төрт ёсны гурван их бэлгэдэл нь эртнээс Төрийн далбаа, Төрийн сүлд, Төрийн дуулал байж ирсэн түүхтэй. Үүнтэй уялдан иргэдэд эх оронч үзэл, хүмүүжлийг төлөвшүүлэх зорилгоор 2009 оноос эхлэн жил бүрийн долоодугаар сарын 10-ны өдрийг “Төрийн далбааны өдөр” болгон төрийн цэргийн хүрээний анги нэгтгэл ёслолын жагсаалаар алхан жанжин Д.Сүхбаатарын талбайд ард олонтойгоо тэмдэглэж ирсэн уламжлалтай билээ.
Энэ жилийн цэргийн ёслолын жагсаалд Зэвсэгт хүчин, ХХЕГ, Дотоодын цэрэг, ОБЕГ, ЦЕГ,ШШГЕГ, ДХИС зэрэг байгууллагаас 2000 гаруй цэргийн алба хаагч сонсогч оролцохоор өдөр бүр 3-4 цагаар бэлтгэлээ хангаж байна. Жагсаалын бэлтгэлийг ЗХЖШ-ын Ажиллагааны удирдлагын газрынхан зохион байгуулж байгаа.

     Түүнчлэн энэ жилийн цэргийн ёслолын жагсаалд Зэвсэгт хүчнээс Хуурай замын болон Агаарын цэргийн командлал, ҮБХИС болон Улаанбаатар цэргийн хүрээний нэгтгэл ангиудын бие бүрэлдэхүүн алхана. Харин шөнийн парадын бэлтгэлийн жагсаалыг энэ сарын 7-н, мөн 9-ний өдрийн үүрээр жанжин Д.Сүхбаатарын талбайд хийх юм байна.

Эх сурвалж: ЗЭВСЭГТ ХҮЧНИЙ ЖАНЖИН ШТАБ


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1233

Веб холбоос: 9

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019