АГУУ ЭХ ОРНЫ ДАЙНЫ 70 ЖИЛИЙН ОЙН ЁСЛОЛЫН ЖАГСААЛД МОНГОЛ ЦЭРГҮҮД СҮР НЭМНЭ

2015 оны 04 сарын 29

     ОХУ-д Агуу эх орны дайны 70 жилийн ойн ёслолын жагсаалд Монгол Улсаас оролцох Зэвсэгт хүчний цэргийн алба хаагчид 04 дүгээр 25 нд Москва хотод хүрэлцэн очсон бөгөөд бие бүрэлдэхүүнийг Монгол Улсаас ОХУ-д суугаа ЭСЯ-ны Цэргийн атташе Бригадын генерал Г.Энхбаатар угтан авчээ.

   ЗХЖШ-ын ажиллагааны удирдлагын газрын дарга, хурандаа С.Дашзэвэгээр ахлуулсан цэргийн алба хаагчид энэ сарын 26, 27-нд Москва хотын ойролцоо Алабины цэргийн сургалтын төвд бэлтгэл хийгээд байгаа бөгөөд 04 дүгээр сарын 29-н болон 05 дугаар сарын 4,7-ны өдрүүдэд нэгдсэн шөнийн бэлтгэлийг улаан талбайд хийх юм.

       Агуу эх орны дайны ялалтын 70 жилийн баярын цэргийн ёслолын жагсаалд нийслэл Москва хотын Улаан талбайд 14 000 цэргийн алба хаагч, 194 нэгж хуягт техник, 150 онгоц, нисдэг тэрэг оролцуулахаар төлөвлөснөөс гадна тус улсын 26 хотод цэргийн жагсаалыг явуулахаар бэлтгэж байгаа юм.

     Монгол Улс, БНХАУ, Энэтхэг, Азербайджан, Армени, Белорусь, Тажикстан, Казакстан, Киргизстан, Серби зэрэг 10 улсын Зэвсэгт хүчнээс тус бүр 70 цэргийн алба хаагч бүхий нэг нэг салбар оролцох юм. 


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 883

Веб холбоос: 10

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2017