Бригадын генерал Батчулууны Батбаяр

2016 оны 09 сарын 05

Бригадын генерал Батчулууны Батбаяр нь 1963 онд Төв аймгийн Эрдэнэ суманд төрсөн. Дээд боловсролтой, Робот техник, Зэвсэглэлийн инженер мэргэжилтэй, ам бүл 5, эхнэр хүүхдүүдийн хамт амьдардаг.                                     

Хуучин нэрээр ЗХУ-д 1985 онд Цэргийн нисэхийн төв сургуулийг “Радио электрон тоноглол”-ын техникч мэргэжлээр, 1989 онд хуучин нэрээр ЗХУ-ын Цэргийн нисэхийн төв сургуулийн тусгай дамжааг “Танин мэдэх” хэрэгслийн мэргэжлээр, 2002 онд ОХУ-д Н.Е.Жуковскийн нэрэмжит Агаарын цэргийн инженерийн академийг  “Робот техник, Зэвсэглэлийн инженер” мэргэжлээр, 2004 онд Канад Улсын англи хэлний “НАТО –6001”, 2011 онд ХБНГУ-ын Маршаллын нэрэмжит Аюулгүй байдлыг гүнзгийрүүлэн судлах дамжааг тус тус төгссөн. Техникийн шинжлэх ухааны магистр. Орос хэлний-Цэргийн орчуулагч.

            1981-1982 онд Монголын Ардын армийн 106,137  дугаар  ангид байлдагч, 1982-1985 онд хуучнаар ЗХУ-ын Фрунзе хотын Цэргийн нисэхийн төв сургуульд сурагч, 1985-1998 онд 137 дугаар ангид онгоцны техникч, бүлгийн даргаар, 1998-2002 онд ОХУ-ын  Москва хотын Н.Е.Жуковскийн нэрэмжит Цэргийн нисэхийн инженерийн академид сонсогч, 2002-2003 онд Зэвсэгт хүчний 337 дугаар ангид зэвсэглэлийн  инженерээр ажилласан.

            2003 оны 6 дугаар сараас БХЯ-ны Бодлогын хэрэгжилтийг зохицуулах газарт  зэвсэглэл, техникийн хангалт, шинэчлэлт хариуцсан мэргэжилтэн, 2007 оноос ахлах мэргэжилтнээр ажиллаж, 2009 оноос газрын орлогч дарга, Зэвсэглэл, техникийн хэлтсийн дарга, 2014 оны 1-11 дүгээр сард газрын даргын үүргийг түр орлон гүйцэтгэгчээр, 2015 оны 10 дугаар сараас Зэвсэгт хүчний Агаарын цэргийн штабын даргаар ажиллаж байна. 


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1058

Веб холбоос: 10

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2017