ЭХ ОРНОО СУРТАЛЧИЛАВ

2016 оны 11 сарын 11

БНӨСУ-д явагдаж буй UNMISS ажиллагаанд үүрэг гүйцэтгэж буй Монгол Улсын Зэвсэгт хүчний VI ээлжийн мотобуудлагын батальон НҮБ-ын өдрийг тохиолдуулан НҮБ-ын далбааг мандуулах ёслол, хүндэтгэлийн ажиллагааг “ХУБИЛАЙ” баазад зохион байгууллаа. Мөн дотоодын дүрвэгсдийн хуаранд төрөл бүрийн спорт, соёлын арга хэмжээг явуулж, бие бүрэлдэхүүнээ  идэвхтэй оролцууллаа. Арга хэмжээний хүрээнд үндэсний дуу, бүжгээр мэндчилгээ дэвшүүлж, энхтайвны явган алхалт, хөл бөмбөг, сагсан бөмбөгийн тэмцээн зохиож, эх орон, Зэвсэгт хүчнээ сурталчилав.

            Соёл, спортын арга хэмжээг бие халаалт буюу аэробекийн дасгалаар эхэлж, гадаадын цэргийн алба хаагчдад зориулж уртын дуу, морин хуурын аялгуу тоглож, халх сурын харваа, үндэсний бөхийн үзүүлэх барилдаанаас толилууллаа.

Харин сагсан бөмбөгийн тэмцээнд 4 баг хурд, хүчээ сорин өрсөлдсөнөөс Монгол Улсын баг тэргүүн байр, Ганийн Зэвсэглэсэн цагдаа дэд байр, дартс шидэлтийн багийн тэмцээнд Ганийн батальон тэргүүн байр, Монголын батальон дэд байр тус тус эзлэв.

            Мөн эмэгтэй сагсан бөмбөгийн тэмцээн, олс таталтын тэмцээнүүдийг нөхөрсөг, холимог байдлаар зохион байгуулж явуулсан. Арга хэмжээний хүрээнд гадаадын цэргийн алба хаагчдад үндэсний хоолоор үйлчилж, дүрс бичлэгээр Монгол Улсын танилцуулга, ая дууны мэндчилгээг явуулж, Монгол Улс, Зэвсэгт хүчний альбомуудаар үзэсгэлэн гаргаж сонирхууллаа.

Үйл ажиллагааны төгсгөлд тэмцээнд оролцсон баг, тамирчдад амжилт хүсч, “Талархал” гардуулсан юм.

Ахлах дэслэгч Э.Очбадрах


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 944

Веб холбоос: 10

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2017