ЗҮҮН АЗИЙН ЦЭРГИЙН ЖУДОЧИД УЛААНБАAТАРТ ӨРСӨЛДӨНӨ

2017 оны 09 сарын 08

     Дэлхийн цэргийн спортын холбоо, Монгол Улсын Батлан хамгаалах яам, Зэвсэгт хүчний Жанжин штаб, Зэвсэгт хүчний “Алдар” спорт хороо хамтран Зүүн Азийн жудо бөхийн аварга шалгаруулах анхдугаар нээлттэй тэмцээнийг 2017 оны 09 дүгээр сарын 08, 09-ний өдрүүдэд Улаанбаатар хотод зохион байгуулахаар бэлтгэл ажлаа хангаж байна.

     Энэ удаагийн тэмцээнд ОХУ, БНХАУ, БНСУ, БНАСАУ, Казахстан, Вьетнам, Саудын Араб зэрэг орны тамирчид оролцохоор мэдүүлгээ ирүүлээд байна.

     Дэлхийн цэргийн спортын холбооноос зохион байгуулдаг тэмцээн, уралдаанд Зэвсэгт хүчний “Алдар” спорт хороо амжилттай оролцож ирсэн.

     Тухайлбал, 2015 онд БНСУ-д болсон VI их наадамд манай тамирчид спортын найман төрлөөр оролцон 6 алт, 12 мөнгө, 6 хүрэл медаль хүртэж, 117 орноос 16 дугаар байрт шалгарч байсан юм.

     Мөн онд АНУ-д болсон чөлөөт бөхийн дэлхийн аварга шалгаруулах тэмцээнээс дөрвөн алтан медаль хүртсэн бол 2016 онд Швейцарь Улсад зохион байгуулагдсан жудо бөхийн дэлхийн аварга шалгаруулах тэмцээнээс 4 алт, 2 хүрэл медаль хүртэж байжээ.

     Дэлхийн спортын байгууллага буюу СИЗМ нь дэлхийн II дайны дараа энх тайвныг тогтоох, түгээн дэлгэрүүлэх зорилгоор олон улсын хамтын нийгэмлэгүүд үүсэн байгуулагдсан тэр үеэс 1948 онд Франц, Дани, Бельги, Люксенбург, Голланд зэрэг улсууд цэргийн алба хаагчдын дунд уралдаан, тэмцээн зохион байгуулах чиглэлээр эвлэлдэн нэгдэж, үүсгэн байгуулсан бөгөөд НҮБ-ын дараа байгуулагдсан спортын томоохон байгууллага юм.

     Тус байгууллага нь дэлхийн улс орнуудын цэргийн алба хаагчид дайн тулалдааны талбарт бус спортын тавцанд өрсөлдөгч, найз нөхөд байхыг чухалчилдаг, энх тайван, эв нэгдлийн гүүр болох үндсэн зорилготой бөгөөд дэлхийн 136 орныг эгнээндээ нэгтгэн Зэвсэгт хүчин, цэргийн алба хаагчдын нөхөрлөл, харилцан итгэлцлийг бэхжүүлэх, спортоор дамжуулан “Friendship through Sport” уриан дор үйл ажиллагаагаа явуулж байна.

     СИЗМ-ийн Ерөнхийлөгчөөр Камерун Улсын хурандаа Хамад Калкаба Малбоум сонгогдон ажиллаж байна. СИЗМ-ийн дээд удирдлага Бельгийн Брюсель хотод байрлан үйл ажиллагаа явуулдаг бөгөөд спортын дэд хороод нь Швейцар Улсад байдаг аж.

     СИЗМ-ийн “Олимпийн” тоглолт 4 жилд нэг удаа спортын 20 төрлөөр зохион байгуулагддаг бөгөөд анхны тоглолт 1995 онд Италийн Ром хотод спортын 17 төрлөөр явагдаж, гишүүнчлэл бүхий 82 орны 7000 гаруй тамирчид оролцжээ. СИЗМ-ийн сүүлийн тоглолт 2011 онд Бразил Улсад явагдсан байна. Өвлийн спортын 2011 оны тоглолтод 43 орны 800 гаруй тамирчид оролцжээ.

     Монголын Улсын Зэвсэгт хүчин 1992 онд Дэлхийн цэргийн спортьн байгууллага /СИЗМ/-д элсэн орох анхны албан бичгийг СИЗМ-ийн Ерөнхий нарийн бичгийн даргад гардуулж, 1992 онд Бээжинд болсон СИЗМ-ийн аварга шалгаруулах сагбан бөмбөгийн тэмцээнд Монголын Зэвсэгт хүчин баг тамирчдаа бэлтгэн оролцуулж жинхэнэ гишүүнээр элссэн бөгөөд зах зээлийн эхэн үеийн хүндрэл бэрхшээлийн явцад Монгол Улс 1999 оноос сул гишүүнээр бүртгэгдэн, 2011 онд гишүүнчлэлээ сэргээж, үйл ажиллагаанд нь идэвхтэй оролцож өнөөг хүрчээ.

     Дэлхийн цэргийн байгууллагын тэмцээнд оролцсон Зэвсэгт хүчний тамирчдаас 1995 онд Өмнөд Солонгос улсад болсон боксын тэмцээнд ахлагч Д.Зоригоо анхны хүрэл медаль, 1996 онд МУГТ, дархан аварга, хурандаа Г.Өсөхбаяр чөлөөт бөхийн төрлөөр Италийн дэвжээнээс анхны мөнгөн медаль, 1999 онд ОХУ-д болсон тоглолтоос гавьяат тамирчин хошууч П.Нямлхагва анхны алтан медаль тус тус хүртэж байсан түүхтэй.

 

ЗЭВСЭГТ ХҮЧНИЙ ЖАНЖИН ШТАБ


Сүүлд нэмэгдсэн
МОНГОЛ УЛСЫН ЭНХИЙГ САХИУЛАГЧИД ҮҮРЭГ ГҮЙЦЭТГЭЛТ САХИЛГА ЗОХИОН БАЙГУУЛАЛТААРАА ҮЛГЭР ДУУРИАЛАЛ БОЛЖ БАЙНА

2019 оны 10 сарын 11

ЗЭВСЭГТ ХҮЧНИЙ ЖАНЖИН ШТАБЫН ДАРГА Д.ГАНЗОРИГТ ХОШУУЧ ГЕНЕРАЛ ЦОЛ ОЛГОЛОО

2019 оны 10 сарын 10

МОНГОЛ УЛСЫН ЕРӨНХИЙЛӨГЧИЙН ЗАРЛИГААР ЗЭВСЭГТ ХҮЧНИЙ 124 ДҮГЭЭР АНГИЙГ ЦЭРГИЙН ГАВЬЯАНЫ ОДОНГООР ШАГНАВ

2019 оны 10 сарын 09

УУЛЫН ЯВГАН ЦЭРГИЙН СУРГАЛТ ЯВАГДАЖ БАЙНА

2019 оны 10 сарын 07

ЗЭВСЭГТ ХҮЧНИЙ ЖАНЖИН ШТАБЫН ДАРГААР БРИГАДЫН ГЕНЕРАЛ Д.ГАНЗОРИГ ТОМИЛОГДЛОО

2019 оны 10 сарын 04

АФГАНИСТАНД ҮҮРЭГ ГҮЙЦЭТГЭХ ЦЭРГИЙН БАГ ЗЭВСЭГТ ХҮЧНИЙ ЖАНЖИН ТУГАНД ХҮНДЭТГЭЛ ҮЗҮҮЛЛЭЭ

2019 оны 10 сарын 02

ЗЭВСЭГТ ХҮЧНИЙ УДИРДЛАГУУД АХМАДУУДДАА ХҮНДЭТГЭЛ ҮЗҮҮЛЛЭЭ

2019 оны 09 сарын 30

ЕРӨНХИЙЛӨГЧ Х.БАТТУЛГА БАРИЛГЫН ЦЭРГИЙН 017 ДУГААР АНГИЙГ БҮТЭЭН БАЙГУУЛАЛТЫН АЖИЛД МАНЛАЙЛАН ОРОЛЦОХ АСУУДАЛД АНХААРЧ АЖИЛЛАХЫГ ҮҮРЭГ БОЛГОЛОО

2019 оны 09 сарын 30

Б.БАТ-ЭРДЭНЭ: ЭНХИЙГ САХИУЛАХ АЖИЛЛАГААНД ҮҮРЭГ ГҮЙЦЭТГЭСЭН АЛБА ХААГЧДАД НҮБ-ААС ЦАЛИН ОЛГОДОГГҮЙ

2019 оны 09 сарын 25

БАТЛАН ХАМГААЛАХ САЛБАР ТӨВ ТАЛБАЙД ҮЙЛ АЖИЛЛАГААГАА СУРТАЛЧИЛЛАА

2019 оны 09 сарын 25

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019