Хуулийн цаг

2017 оны 11 сарын 16

ЦЭРГИЙН АЛБАНААС ОРГОВОЛ ХОРИХ ХҮРТЭЛ ЯЛААР ШИЙТГЭДЭГ

Энэ удаагийн “Хуулийн цаг”-аар Эрүүгийн хуулийн 28.5 дугаар зүйлд заасан “Цэргийн албанаас оргон зайлах” гэмт хэргийн ойлголтын талаар хүргэж байна. 
Эрүүгийн хуулийн тусгай ангийн 28.5 дугаар зүйлийн 28.5.1 дэх хэсэгт “Цэргийн алба хаагч цэргийн албанаас оргон зайлах зорилгоор цэргийн анги, байгууллагад алба хааж байгаа газраа дур мэдэн орхиж явсан, эсхүл албан томилолт, амралтын чөлөө дууссан, эсхүл эмнэлгээс гарсны дараа эргэж ирээгүй бол зургаан сараас нэг жил хүртэл хугацаагаар хорих ял шийтгэнэ” гэж заажээ. 
Мөн хуулийн 28.5.2 дахь хэсэгт заасны дагуу “дайны байдалд шилжсэн, эсхүл онц байдал зарласан үед” болон “офицер, ахлагч үйлдсэн бол нэг жилээс таван жил хүртэл хугацаагаар хорих ял шийтгэнэ.” Өөрөөр хэлбэл цэргийн албанаас оргон зайлах гэмт хэрэг нь тайван болон дайны, онц байдлын үед үйлдэгддэг бөгөөд үйлдсэн субьектүүд нь хугацаат цэргийн алба хаагч болон цэргийн жинхэнэ албаны офицер, ахлагч нар байна.
Цэргийн тангараг өргөсөн цэргийн жинхэнэ алба хаагч нь олон хоног сараар ажил таслах явдал цөөнгүй гарч байна. Ямар нэгэн хүндэтгэн үзэх шалтгаангүйгээр цэргийн жинхэнэ алба хаагч анги, байгууллагын байрлалыг дур мэдэн орхин явсан, амралт, чөлөөгөөр яваад эргэж ирээгүй тохиолдлыг тухайн цэргийн алба хаагчийг цэргийн албанаас оргон зайлсан гэмт хэрэг үйлдсэн хэмээн үзэж, хуулийн байгууллагад шалгуулах нь зүйтэй.
Жишээ нь: Дэслэгч Дорж хүндэтгэн үзэх шалтгаангүйгээр ажлын 120 өдөр ажил тасалжээ. Энэ тохиолдолд ямар арга хэмжээ авах вэ?
Дэслэгч Дорж нь хүндэтгэн үзэх шалтгаангүйгээр ажлын 120 өдөр ажил тасалсан үйлдлийг цагдаагийн байгууллагаар шалгуулах нь зүйтэй. Учир нь дэслэгч Дорж өөрийн алба хааж буй анги, байгууллагын байрлалаа дур мэдэн орхин явж, улмаар ажилдаа эргэн ирээгүй энэхүү үйлдлийг цэргийн албанаас оргон зайлах шууд зорилго агуулсан гэж үзэх үндэслэлтэй. 
Цаашид хүндэтгэн үзэх шалтгаангүйгээр ажил тасалсан цэргийн алба хаагч /оргон зайлсан этгээд/-д цалин хөлс олгохгүй байх, цагийн бүртгэлийг сайтар хөтөлж хэвших зэргийг анхаарах. Мөн ажил тасалсан цэргийн алба хаагчийг сахилга хариуцлагаар буюу цэргийн дүрэм, ёс зүй, сахилгыг зөрчсөн гэсэн үндэслэлээр цэргийн албанаас халах бус эрүүгийн хариуцлага хүлээлгэх нь хуульд нийцнэ.

ЗХЖШ-ын ЗАХИРГААНЫ УДИРДЛАГЫН ХЭЛТСИЙН ХУУЛИЙН ТАСАГ


Сүүлд нэмэгдсэн
ЗЭВСЭГТ ХҮЧНИЙ АГААРЫН ЦЭРГИЙН КОМАНДЛАГЧИЙН УРИЛГААР АНУ-ЫН ЭНЭТХЭГ-НОМХОН ДАЛАЙН ЦЭРГИЙН КОМАНДЛАЛЫН АГААРЫН ХҮЧНИЙ КОМАНДЛАГЧ, ГЕНЕРАЛ ЧАРЛЬЗ БРАУН АЙЛЧЛАЛ ХИЙЛЭЭ.

2019 оны 05 сарын 16

ГЕНЕРАЛУУДАД ХҮНДЭТГЭЛ ҮЗҮҮЛЛЭЭ

2019 оны 04 сарын 29

"ДАНКОН" МАРШИЙН ЭХНИЙ 40 БАЙРТ МОНГОЛ ЦЭРГҮҮД ЗАВСАРГҮЙ ТҮРҮҮЛЖЭЭ

2019 оны 04 сарын 21

ЭНХИЙГ САХИУЛАГЧИД ЭХ ОРОНДОО ИРЛЭЭ

2019 оны 04 сарын 21

"ХААНЫ ЭРЭЛД-2019"-ИЙН ТӨЛӨВЛӨЛТИЙН ТӨГСӨЛТИЙН ШАТНЫ ХУРАЛ АМЖИЛТТАЙ БОЛЛОО

2019 оны 04 сарын 21

ЭЛЧИН САЙД МАЙКЛ КЛЕЧЕСКИЙГ ХҮЛЭЭН АВЧ УУЛЗЛАА

2019 оны 04 сарын 21

МОНГОЛ УЛСЫН ЗЭВСЭГТ ХҮЧНИЙ АГААРЫН ЦЭРГИЙН КОМАНДЛАЛ, ЭНЭТХЭГ-НОМХОН ДАЛАЙ ДАХЬ АНУ-ЫН АГААРЫН ХҮЧНИЙ КОМАНДЛАЛ ХООРОНДЫН АНХДУГААР ЗӨВЛӨЛДӨХ УУЛЗАЛТЫН ТУХАЙ

2019 оны 04 сарын 19

"ОЛОН УЛСЫН ЦЭРГИЙН НААДАМ-2019" ЗОХИОН БАЙГУУЛАГЧ ОРНУУДЫН ЦАХИМ ХУРАЛ БОЛЛОО

2019 оны 04 сарын 17

"ХААНЫ ЭРЭЛД"-ИЙН ТӨЛӨВЛӨЛТИЙН ТӨГСӨЛТИЙН ШАТНЫ ХУРАЛ БОЛЖ БАЙНА

2019 оны 04 сарын 16

ЭНХИЙГ ДЭМЖИХ АЖИЛЛАГААНЫ ЧИГЛЭЛЭЭР САНАЛ СОЛИЛЦЛОО

2019 оны 04 сарын 16

Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1206

Веб холбоос: 10

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019