ЗЭВСЭГТ ХҮЧНИЙ ЖАНЖИН ШТАБЫН 2013 ОНЫ ТҮҮХ

2018 оны 01 сарын 19

Монгол Улсын Засгийн газрын 2012-2016 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөний хүрээнд цэргийн алба хаагчдыг нөхөн хангах бодлогыг шинэчлэн, холимог тогтолцоог төлөвшүүлж, иргэдийн цэргийн алба хаах хэлбэрт шинэчлэл хийх, “Оюутан-цэрэг” хөтөлбөрийн төслийг 2013 оны 8 дугаар сард боловсруулан Батлан хамгаалахын сайдын зөвлөлийн хуралдаанаар хэлэлцүүлсэн.

            Зэвсэгт хүчний удирдах бүрэлдэхүүний стратегийн болон заах аргын цугларалт, ЗХЖШ-ын стратегийн нэгдсэн КШС, Зэвсэгт хүчний 256 дугаар ангитай явуулсан дайчилгаатай КШХС, “Khaan quest-2013” олон улсын энхийг дэмжих ажиллагааны хамтарсан хээрийн сургалт, дадлага, ОХУ-ын Зэвсэгт хүчинтэй хамтарсан “Сэлэнгэ-2013”, ХАЧА-тай хамтарсан “Талын манлайлагч”, Катар Улсын Зэвсэгт хүчинтэй хамтарсан “Шийдэмгий шийдвэр”, АНУ-тай хамтарсан тусгай хүчний “Баланс Мажик” зэрэг сургуулиудыг өөрийн эх оронд төлөвлөгдсөн хугацаанд зохион байгуулж, БНЭУ-д “Нүүдэлчин заан” тусгай хүчний хоёр талын хамтарсан сургууль, Балба Улсад “Шанти Праяас” энхийг дэмжих ажиллагааны олон улсын сургууль зэрэг томоохон арга хэмжээнүүдийг  зохион байгуулсан.

Тухайлбал, Номхон далай дахь АНУ-ын цэргийн командлалтай хамтран зохион байгуулдаг “Khaan quest-2013” энхийг дэмжих ажиллагааны олон улсын сургуульд АНУ, БНСУ, Тажикстан, Балба, Монгол зэрэг 5 орноос 10 салаа, Австрали, ХБНГУ, Япон Улсуудаас тактикийн хээрийн сургуулийн хичээлийн цэгүүд дээр сургагч багшаар, ОХУ, БНХАУ, Казакстан, Тажикстан, Турк зэрэг 10 орны 24 офицер сургуулийн ажиглагчаар оролцсон.

Монгол Улсын Ерөнхийлөгч, Зэвсэгт хүчний Ерөнхий командлагч Ц.Элбэгдоржийн Бүгд Найрамдах Өмнөд Судан Улсад 2013 оны 02 дугаар сарын 15, 16-ны өдрүүдэд хийсэн албан ёсны айлчлал, тус улсад явагдаж буй НҮБ-ын “UNMISS” ажиллагаанд үүрэг гүйцэтгэж байгаа Монгол Улсын Зэвсэгт хүчний батальоны үйл ажиллагаатай танилцах бэлтгэл ажлыг ханган айлчлалыг амжилттай зохион байгуулсан. Мөн ЗХЖШ-ын дарга дэслэгч генерал Ц.Бямбажав тэргүүтэй бүрэлдэхүүн 2013 оны 02 дугаар сарын 20-ноос 23-ны өдрүүдэд Бүгд Найрамдах Судан Улсын Дарфур муж дахь НҮБ, Африкийн холбооны хамтарсан “UNAMID”ажиллагаанд албан айлчлал хийсэн.

Орчин үеийн дайн, зэвсэгт мөргөлдөөн, түүнд хийсэн туршлага, сургамжууд  гадаадын орнуудын цэргийн сургалт ялангуяа галын бэлтгэл, биеийн тамир, гардан тулааны бэлтгэл хичээлийн сургалтад орж байгаа өөрчлөлтүүд, одоо мөрдөгдөж байгаа зааврууд нь анги салбаруудад сургалт төлөвлөн явуулахад зарим талаараа орчин үеийн шаардлага хангахгүй байгааг харгалзан буудлагын курс, “Зэвсэгт хүчний биеийн тамирын бэлтгэлийг сайжруулах үндсэн чиглэл”, “Биеийн тамирын заавар”-ыг шинээр боловсруулсан.

 


Сүүлд нэмэгдсэн
МӨРДЭСТЭЙ ЭМЭГТЭЙЧҮҮДИЙН ЧУУЛГА УУЛЗАЛТ БОЛНО

2019 оны 09 сарын 16

ШИЛДГИЙН ШИЛДЭГ ЦЭНХЭР ДУУЛГАТНУУДАА ТОДРУУЛЛАА

2019 оны 09 сарын 16

ТАВАНТОЛГОЙ-ЗҮҮНБАЯН ЧИГЛЭЛИЙН ТӨМӨР ЗАМЫН БҮТЭЭН БАЙГУУЛАЛТЫН АЖИЛ УЛИРАЛ ХАРГАЛЗАХГҮЙ ҮРГЭЛЖИЛНЭ

2019 оны 09 сарын 16

ЗЭВСЭГТ ХҮЧНИЙ ХУУРАЙ ЗАМЫН ЦЭРГИЙН КОМАНДЛАЛЫН БАЙРНЫ НЭЭЛТ ЗУУНМОД ХОТОД БОЛЛОО

2019 оны 09 сарын 16

П.ДОРЖСҮРЭН:ЭНЭ БОЛ СЭТГЭЛИЙН БЭЛЭГ

2019 оны 09 сарын 09

ШИНЭ ОФИЦЕРУУДЫГ ЗЭВСЭГТ ХҮЧНИЙ АНГИ, САЛБАРТ ТОМИЛЛОО

2019 оны 09 сарын 09

Б.СЭРГЭЛЭН: МОНГОЛ УЛСЫН БҮТЭЭН БАЙГУУЛАЛТАД ГАР БИЕ ОРОЛЦОЖ БУЙ ЦЭРГИЙН АЛБА ХААГЧИДДАА СЭТГЭЛИЙН ДЭМ ӨГӨХӨӨР ЭНЭ АЖЛЫГ САНААЧИЛСАН

2019 оны 09 сарын 05

Ж.ГҮРРАГЧАА: ХАЛХЫН ГОЛЫН ТҮҮХТ ОЙ БОЛ БИД БҮГДИЙН ХАМТЫН БАЯР

2019 оны 09 сарын 03

ЭХ ОРОН, ЭР ЦЭРЭГ, ТУСГААР ТОГТНОЛ САЛШГҮЙ АМИН ХОЛБООТОЙ

2019 оны 09 сарын 03

ЦЭРЭГ ТЕХНИКИЙН БУЦАЛТГҮЙ ТУСЛАМЖ ѲГѲХ ХУГАЦААГ СУНГАЖ БУЙГ МЭДЭГДЛЭЭ

2019 оны 09 сарын 03

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019