ДЭД БҮТЦИЙН АЖЛЫН ЯВЦТАЙ ТАНИЛЦЛАА

2018 оны 10 сарын 24

Монгол Улсын Ерөнхий сайд У.Хүрэлсүх Дорноговь аймгийн Алтанширээт сумын нутагт баригдаж байгаа Газрын тосны боловсруулах үйлдвэрийн барилга, дэд бүтцийн бүтээн байгуулалтын ажлын явцтай 10 дугаар сарын 15-ны өдөр танилцлаа.
Газрын тосны боловсруулах үйлдвэрийг Сайншанд хоттой холбох хүнд даацын тусгай зориулалтын 17,5 км замын байгууламжийн ажлыг БХЯ, ЗХЖШ хариуцан зураг төсөл, техникийн шаардлагын дагуу гүйцэтгэж эхэлсэн бөгөөд 2019 оны 9 дүгээр сарын 30-ны өдөр хүлээлгэн өгөхөөр 300 гаруй цэргийн алба хаагч, 90 орчим техниктэйгээр ажиллаж байна.
Ерөнхий сайдыг уг ажилтай танилцах үеэр Батлан хамгаалахын сайд Н.Энхболд “Манай бие бүрэлдэхүүн чанартай авто зам тавих чадвартай болохоо харуулахыг зорьж байгаа. Цаашлаад Батлан хамгаалах салбарын бие бүрэлдэхүүн эх орныхоо дэд бүтцийн бүтээн байгуулалтад оролцох бүрэн боломжтой гэдгийн илрэл болох учиртай. Үүний тулд хамгийн гол нь чанар” хэмээн тодотгосон бол Ерөнхий сайд У.Хүрэлсүх “Энд хэрэгжиж байгаа төсөл бол “мега” гэх хэмжээнд хэлэгдэх учиртай. Урьд өмнө нь манайд ийм том бүтээн байгуулалтын цогц төсөл хэрэгжиж байгаагүй. Тиймээс энэхүү бүтээн байгуулалтад гар бие оролцож байгаагаараа цэргийн алба хаагчид бахархах хэрэгтэй” хэмээн онцолсон юм.
Замын бүтээн байгуулалтын ажил 35 хувьтай явагдаж байгаа аж. Үүнээс хөрс хуулалт, далангийн ажлууд нь төлөвлөгөөт хугацааны дагуу хийгдэж байгаа ба ус зайлуулах төмөр бетон хоолойны ажил 50 хувийн гүйцэтгэлтэй явагдаж байна. 


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1127

Веб холбоос: 10

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2017