ШТАБЫН УДИРДАХ АЖИЛТНУУДЫН ЦУГЛАРАЛТ БОЛЛОО

2019 оны 01 сарын 21

       Зэвсэгт  хүчний Агаарын цэргийн командлалын 2018-2019 оны сургуулийн жилийн сургалт бэлтгэлийн нэгдсэн төлөвлөгөөний дагуу харьяа ангиудын Штабын удирдах ажилтны цугларалтыг энэ сарын 10-11-ний өдрүүдэд “Агаарын цэргийн байлдааны чадавх, бэлэн байдал ба удирдлагын манлайлал” сэдвээр Агаарын цэргийн командлал болон Зэвсэгт хүчний 065, 337, 353 дугаар ангиудын сургалтын материаллаг баазыг түшиглэн зохион байгуулж явууллаа.

     Цугларалтад Агаарын цэргийн харьяа ангиудын штабын дарга, ажиллагааны удирдлагын тасгийн дарга, хорооны удирдах байрны дарга, сургалтын офицерууд оролцлоо.

      Цугларалтаар ЗХЖШ-ын АУГ-ын орлогч дарга бригадын генерал Л.Онцгойбаяр, ЗХЖШ-ын БСТГ-ын орлогч, бодлогын хэлтсийн дарга хурандаа А.Уламбаяр, цэргийн ухааны доктор, бэлтгэл хурандаа Н.Энхбат болон Агаарын цэргийн командлалын холбогдох албан тушаалтнууд лекц уншиж, анги, салбарын байлдааны бэлэн байдал, байлдааны чадавхыг дээшлүүлэх арга зам, байлдааны жижүүрлэлт, цэргийн алба, сургалт бэлтгэлд тулгамдаж буй асуудлууд, удирдлага, төлөвлөлтийн баримт бичиг боловсруулах арга зүйн талаар санал бодлоо солилцож, нэгдсэн ойлголтод хүрсэн.

Цугларалтын төгсгөлд ангиудын штабын удирдах ажилтнуудын дунд нөхөрсөг “Гар бөмбөг”-ийн тэмцээн зохион байгууллаа.

Эх сурвалж: "Агаарын цэргийн командлал" ахмад Б.Цэрэннадмид


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1214

Веб холбоос: 9

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019