ХОШУУЧ ГЕНЕРАЛ М.Я.НОСУЛЕВИЙГ ХҮЛЭЭН АВЧ УУЛЗЛАА

2019 оны 02 сарын 03

       ЗХЖШ-ын даргын үүрэг гүйцэтгэгч, нэгдүгээр орлогч дарга, хошууч генерал Р.Сүхбат ОХУ-ын Дорнод цэргийн тойргийн 36 дугаар армийн командлагч, хошууч генерал М.Я.Носулевийг хүлээн авч уулзлаа. Уулзалтын үеэр талууд хоёр улсын цэргийн хамтын ажиллагаа болон “Сэлэнгэ-2018” сургуулийн талаар санал, бодлоо солилцсон юм. Энэ үеэр ЗХЖШ-ын даргын үүрэг гүйцэтгэгч, нэгдүгээр орлогч дарга, хошууч генерал Р.Сүхбат хоёр улсын батлан хамгаалах салбарын харилцаа, хамтын ажиллагаа өнгөрсөн зуунаас эхтэй, эртний түүхэн уламжлалтай бөгөөд манай ард түмэн энэхүү уламжлал, дайчин нөхөрлөлийг хайрлан хүндэтгэж, үргэлжлүүлж байдгийг онцлов. Мөн Монгол улсын цэргийн алба хаагчдыг өөрийн улсын цэргийн их, дээд сургуулиудад сурган, бэлтгэж, цэрэг-техникийн хамтын ажиллагааны хүрээнд тусламж, дэмжлэг үзүүлдэгт талархал илэрхийлэв. Үүний зэрэгцээ ОХУ-д зохион байгуулдаг “Олон улсын цэргийн наадам”-д манай Зэвсэгт хүчний баг сүүлийн жилүүдэд идэвхтэй оролцож байгаа, энэхүү наадмын хүрээнд “Аравт” морин цэргийн олон улсын тэмцээнийг энэ оны 8 дугаар сард Монгол улсад хамтран зохион байгуулах зэрэг асуудлаар ярилцсан юм.

Эх сурвалж: "Соёмбо" сонин


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1152

Веб холбоос: 10

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019