ТӨРӨЛ МЭРГЭЖЛИЙН ЦЭРГИЙН ХОЛБООДЫН УДИРДЛАГЫГ ХҮЛЭЭН АВЧ УУЛЗЛАА

2019 оны 03 сарын 07

        УИХ, Засгийн газрын гишүүн, Батлан хамгаалахын сайд Н.Энхболд, ЗХЖШ-ын даргын үүрэг гүйцэтгэгч, нэгдүгээр орлогч дарга, хошууч генерал Р.Сүхбат нар өнөөдөр төрөл мэргэжлийн цэргийн холбоодын удирдлагуудыг хүлээн авч уулзлаа. Уулзалтаар БХЯ, ЗХЖШ тус бүр 2018 онд хийж хэрэгжүүлсэн ажил болоод хууль, эрх зүйн шинэчлэлийн талаар дэлгэрэнгүй мэдээлэл хүргэсэн. Тухайлбал, хошууч генерал Р.Сүхбат хүргэсэн мэдээлэлдээ "Цэргийн алба хаагчдын сургалт бэлтгэлийг сайжруулах хүрээнд олон сургалт дадлагуудыг зохион байгуулж байна. Олон улсын болон хамтарсан сургуулиуд, төрөл мэргэжлийн уралдаан тэмцээн гээд олныг нэрлэж болно. Тэр дундаас төрөл мэргэжлийн уралдаан тэмцээнийг зохион явуулах чиглэлд цэргийн холбоодын удирдлагууд та бүхэн идэвх санаачилгатай ажиллаж байгаад талархаж байна. Энэ нь алба хаагчдын мэргэжил, ур чадварыг дээшлүүлэхэд асар их үүрэгтэй ажил шүү" хэмээн онцолж байсан юм.

           Батлан хамгаалахын сайд Н.Энхболд "Та бүхнийг урьж ярилцаж байгаадаа баяртай байна. Бэлтгэл болон чөлөөнд байгаа манай цэргийн ахмадууд мэргэжлийнхээ дагуух холбоодод харъяалагдаж, үйл ажиллагаанд нь идэвхтэй оролцдог талаар олон удаа сонссон. Тэнд асар их дадлага туршлага, мэргэжлийн ур чадвар өндөртэй ахмадууд маань цугласан нь ойлгомжтой. Цаашдаа энэ ахмадуудаа БХЯ, ЗХЖШ-ын зарим ажилд татан оролцуулах, дайчлах ёстой. Ер нь миний мэдэхийн үе үеийн Засгийн газар бүр төрийн бус байгууллагуудыг төрийн ажилд өргөнөөр татан оролцуулж, ачааллаа хуваалцах бодлого баримталдаг. Харамсалтай нь үр дүнд хүрсэн нь цөөхөн байх. Энэ жил Халхын голын байлдааны ялалтын 80 жилийн ой болно. Ойн баярыг ОХУ-тай хамтран хийхээр төлөвлөснийг та бүхэн мэдэх байх. Энэ асуудлыг хариуцсан Үндэсний хороо байгуулагдсан бөгөөд БХЯ, ЗХЖШ-аас ихэнх ажлыг нь нугалахаар байгаа" хэмээн мэдээлэл өгч, харилцан ярилцсан юм.

Дашрамд сонирхуулахад, төрөл мэргэжлийн 20 гаруй цэргийн холбоо үйл ажиллагаагаа идэвхтэй явуулдаг байна.

Эх сурвалж: "Соёмбо" сонин

 


Сүүлд нэмэгдсэн
ЗЭВСЭГТ ХҮЧНИЙ АГААРЫН ЦЭРГИЙН КОМАНДЛАГЧИЙН УРИЛГААР АНУ-ЫН ЭНЭТХЭГ-НОМХОН ДАЛАЙН ЦЭРГИЙН КОМАНДЛАЛЫН АГААРЫН ХҮЧНИЙ КОМАНДЛАГЧ, ГЕНЕРАЛ ЧАРЛЬЗ БРАУН АЙЛЧЛАЛ ХИЙЛЭЭ.

2019 оны 05 сарын 16

ГЕНЕРАЛУУДАД ХҮНДЭТГЭЛ ҮЗҮҮЛЛЭЭ

2019 оны 04 сарын 29

"ДАНКОН" МАРШИЙН ЭХНИЙ 40 БАЙРТ МОНГОЛ ЦЭРГҮҮД ЗАВСАРГҮЙ ТҮРҮҮЛЖЭЭ

2019 оны 04 сарын 21

ЭНХИЙГ САХИУЛАГЧИД ЭХ ОРОНДОО ИРЛЭЭ

2019 оны 04 сарын 21

"ХААНЫ ЭРЭЛД-2019"-ИЙН ТӨЛӨВЛӨЛТИЙН ТӨГСӨЛТИЙН ШАТНЫ ХУРАЛ АМЖИЛТТАЙ БОЛЛОО

2019 оны 04 сарын 21

ЭЛЧИН САЙД МАЙКЛ КЛЕЧЕСКИЙГ ХҮЛЭЭН АВЧ УУЛЗЛАА

2019 оны 04 сарын 21

МОНГОЛ УЛСЫН ЗЭВСЭГТ ХҮЧНИЙ АГААРЫН ЦЭРГИЙН КОМАНДЛАЛ, ЭНЭТХЭГ-НОМХОН ДАЛАЙ ДАХЬ АНУ-ЫН АГААРЫН ХҮЧНИЙ КОМАНДЛАЛ ХООРОНДЫН АНХДУГААР ЗӨВЛӨЛДӨХ УУЛЗАЛТЫН ТУХАЙ

2019 оны 04 сарын 19

"ОЛОН УЛСЫН ЦЭРГИЙН НААДАМ-2019" ЗОХИОН БАЙГУУЛАГЧ ОРНУУДЫН ЦАХИМ ХУРАЛ БОЛЛОО

2019 оны 04 сарын 17

"ХААНЫ ЭРЭЛД"-ИЙН ТӨЛӨВЛӨЛТИЙН ТӨГСӨЛТИЙН ШАТНЫ ХУРАЛ БОЛЖ БАЙНА

2019 оны 04 сарын 16

ЭНХИЙГ ДЭМЖИХ АЖИЛЛАГААНЫ ЧИГЛЭЛЭЭР САНАЛ СОЛИЛЦЛОО

2019 оны 04 сарын 16

Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1206

Веб холбоос: 10

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019