"АРАВТ" МОРИН ЦЭРГИЙН УРАЛДААНЫ ОЛОН УЛСЫН ТӨЛӨВЛӨЛТИЙН БАГА ХУРАЛ БОЛЖ БАЙНА.

2019 оны 04 сарын 02

          Цэргийнхэн дайны талбарт биш тэмцээн уралдааны талбарт мэдлэг, дадлага, мэргэжлийн ур чадвараа сорих ёстой гэсэн эгэл уриан дор анх удаа зохион байгуулагдаж байсан “Цэргийн наадам” энэ онд 5 дахь удаагаа илүү өргөн хүрээтэй зохион байгуулагдахаар бэлтгэлээ базааж байна.

          “Олон улсын цэргийн наадам-2019”-ийн хүрээнд 10 улсын нутаг дэвсгэрт зохион байгуулагдах 32 уралдаанд одоогийн байдлаар 13 улсын 104 баг оролцож өрсөлдөхөөр мэдүүлгээ ирүүлээд байна. Жилээс жилд нэр хүнд, агуулга, ач холбогдол, хамрах хүрээ нь улам бүр өссөөр цэргийн наадмыг хамтран зохион байгуулагч улсын тоо Монгол Улс тэргүүтэй 3 улсаар нэмэгдэж байна. Өмнөх наадмуудад манай цэргийн алба хаагчид “Танкийн биатлон”, “Мэргэн буудагчийн зааг”, “Цэргийн хээрийн гал тогоо” уралдаануудад амжилттай оролцож, амжилтаа тасралтгүй ахиулсаар ирсэн бол анх удаагаа зохион байгуулагч улсын статустайгаар оролцож “Аравт” олон улсын морин цэргийн уралдааныг зохион байгуулахаар болсон юм. Зохион байгуулагч гол орон болох ОХУ-ын газар нутагт 16 уралдаан (14 полигонд), хамтран зохион байгуулагч 9 улсын /Монгол, Азербайжан, Армен, Беларусь, БНХАУ, Иран, Казахстан, Узбекистан, Энэтхэг/ газар нутагт 16 уралдаан явагдана.

          Өнгөрсөн оны сүүлчээр ОХУ-ын нийслэл Москва хотод олон улсын цэргийн наадмын анхан шатны төлөвлөлтийн хурал зохион байгуулагдаж олон орны зочид төлөөлөгчид оролцсон. Энэ хурлын бодлого, шийдвэр, хэлэлцэж тохиролцсон ёсоор ирэх 8 дугаарын эхээр “Аравт” олон улсын морин цэргийн анхдугаар уралдаан манай улсад зохион байгуулагдана. Төлөвлөлтийн бага хуралд 8 улсын (Монгол, ОХУ, Казахстан болон БНХАУ, АНУ, БНТУ, БНСУ, Япон) зочид, төлөөлөгчид оролцож байгаа бөгөөд “Аравт” морин цэргийн уралдааны ерөнхий зохион байгуулалт, бэлтгэл ажлын явц, авч хэрэгжүүлсэн арга хэмжээний үр дүн, цаашид хэрэгжүүлэхээр зорьж байгаа үйл ажиллагааныхаа талаар мэдээлэл өгч, харилцан санал, мэдээлэл, солилцох, түүнчлэн морин цэргийн уралдаан зохион байгуулагдах газар орон болон зохион байгуулалтын бэлтгэл ажилтай зочид, төлөөлөгчид биечлэн танилцах юм.

       Манай улс энэхүү уралдааныг зохион байгуулснаар цэргийн хамтын ажиллагааг нэмэгдүүлэхийн зэрэгцээ Монголын түүх, нүүдэлчин ахуй соёл тэр тундаа Монголчуудын морь эзэмшиж ашиглах соёл, уламжлалыг олон улсад сурталчлах боломж нээгдэж байгаа юм.

          Монгол Улсын Зэвсэгт хүчнээс “Цэргийн наадам-2019”-д “Аравт” морин цэргийн уралдаанаас гадна ОХУ-д зохион байгуулагдах “Танкийн биатлон”, “Хээрийн гал тогоо”, “Инженерийн томьёолол”, Бүгд Найрамдах Беларусь Улсад зохион байгуулагдах “Мэргэн буудагчийн зааг”, БНХАУ-д зохион байгуулагдах “Цэлмэг тэнгэр” уралдаануудад баг бэлтгэн оролцуулахаар төлөвлөж бэлтгэлээ хангаж байна.

Эх сурвалж: ЗЭВСЭГТ ХҮЧНИЙ ЖАНЖИН ШТАБ


Сүүлд нэмэгдсэн
МОНГОЛ УЛСЫН ЭНХИЙГ САХИУЛАГЧИД ҮҮРЭГ ГҮЙЦЭТГЭЛТ САХИЛГА ЗОХИОН БАЙГУУЛАЛТААРАА ҮЛГЭР ДУУРИАЛАЛ БОЛЖ БАЙНА

2019 оны 10 сарын 11

ЗЭВСЭГТ ХҮЧНИЙ ЖАНЖИН ШТАБЫН ДАРГА Д.ГАНЗОРИГТ ХОШУУЧ ГЕНЕРАЛ ЦОЛ ОЛГОЛОО

2019 оны 10 сарын 10

МОНГОЛ УЛСЫН ЕРӨНХИЙЛӨГЧИЙН ЗАРЛИГААР ЗЭВСЭГТ ХҮЧНИЙ 124 ДҮГЭЭР АНГИЙГ ЦЭРГИЙН ГАВЬЯАНЫ ОДОНГООР ШАГНАВ

2019 оны 10 сарын 09

УУЛЫН ЯВГАН ЦЭРГИЙН СУРГАЛТ ЯВАГДАЖ БАЙНА

2019 оны 10 сарын 07

ЗЭВСЭГТ ХҮЧНИЙ ЖАНЖИН ШТАБЫН ДАРГААР БРИГАДЫН ГЕНЕРАЛ Д.ГАНЗОРИГ ТОМИЛОГДЛОО

2019 оны 10 сарын 04

АФГАНИСТАНД ҮҮРЭГ ГҮЙЦЭТГЭХ ЦЭРГИЙН БАГ ЗЭВСЭГТ ХҮЧНИЙ ЖАНЖИН ТУГАНД ХҮНДЭТГЭЛ ҮЗҮҮЛЛЭЭ

2019 оны 10 сарын 02

ЗЭВСЭГТ ХҮЧНИЙ УДИРДЛАГУУД АХМАДУУДДАА ХҮНДЭТГЭЛ ҮЗҮҮЛЛЭЭ

2019 оны 09 сарын 30

ЕРӨНХИЙЛӨГЧ Х.БАТТУЛГА БАРИЛГЫН ЦЭРГИЙН 017 ДУГААР АНГИЙГ БҮТЭЭН БАЙГУУЛАЛТЫН АЖИЛД МАНЛАЙЛАН ОРОЛЦОХ АСУУДАЛД АНХААРЧ АЖИЛЛАХЫГ ҮҮРЭГ БОЛГОЛОО

2019 оны 09 сарын 30

Б.БАТ-ЭРДЭНЭ: ЭНХИЙГ САХИУЛАХ АЖИЛЛАГААНД ҮҮРЭГ ГҮЙЦЭТГЭСЭН АЛБА ХААГЧДАД НҮБ-ААС ЦАЛИН ОЛГОДОГГҮЙ

2019 оны 09 сарын 25

БАТЛАН ХАМГААЛАХ САЛБАР ТӨВ ТАЛБАЙД ҮЙЛ АЖИЛЛАГААГАА СУРТАЛЧИЛЛАА

2019 оны 09 сарын 25

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019