ЭНХИЙГ ДЭМЖИХ АЖИЛЛАГААНЫ ЧИГЛЭЛЭЭР САНАЛ СОЛИЛЦЛОО

2019 оны 04 сарын 16

        Хятадын Ардын чөлөөлөх армийн Баруун байлдааны ажиллагааны бүсийн дэд командлагч, дэслэгч генерал Лю Сяо Ву тэргүүтэй төлөөлөгчид манай улсад айлчилж байна. Дэслэгч генерал Лю Сяо Ву тэргүүтэй төлөөлөгчдийг өнөөдөр ЗХЖШ-ын орлогч дарга, хошууч генерал Ж.Бадамбазар хүлээн авч уулзаж, хоёр улсын цэргийн хамтын ажиллагаа, энхийг дэмжих ажиллагааны талаар ярилцлаа. Уулзалтын эхэнд хошууч генерал Ж.Бадамбазар "Монгол Улс, БНХАУ нь эртний уламжлалт харилцаатай мөнхийн хөрш бөгөөд олон жилийн найрсаг харилцаа, эрх тэгш, харилцан ашигтай хамтын ажиллагааг урт хугацаанд тогтвортой хөгжүүлэх бодлогыг тууштай баримталж ирсэн. Энэхүү харилцаа, хамтын ажиллагаанд Батлан хамгаалах салбар, Зэвсэгт хүчин чухал байр суурь эзэлдэг төдийгүй цэргийн харилцан хамтын ажиллагаа сүүлийн жилүүдэд олон чиглэлээр өргөжиж хоёр орны Иж бүрэн стратегийн түншлэлийн харилцааг хөгжүүлэхэд чухал хувь нэмэр оруулж байна" хэмээн онцлоод цэргийн харилцан ойлголцлыг нэмэгдүүлэхэд хоёр орны Зэвсэгт хүчний хамтарсан сургууль болон олон улсын сургуульд хамтран оролцож байгаа явдал. Хятадын Ардын Чөлөөлөх арми нь 2015 оноос эхлэн "Хааны эрэлд" энхийг дэмжих ажиллагааны олон улсын сургуульд салаа хүртэлх бие бүрэлдэхүүнийг оролцуулж байгаад талархал илэрхийлэв. 

          Харин дэслэгч генерал Лю Сяо Ву хоёр орны цэргийн харилцаа нь бүх түвшний айлчлал, Батлан хамгаалах яамд хоорондын зөвлөлдөх уулзалт, хоёр талын хамтарсан сургууль, цэргийн боловсон хүчин бэлтгэх, БНХАУ-ын БХЯ-наас буцалтгүй тусламж үзүүлэх, бүс нутгийн аюулгүй байдлын асуудлаарх олон улсын форум, эрдэм шинжилгээний хуралд хамтран оролцох зэрэг бүх чиглэлээр хөгжиж байгаад сэтгэл хангалуун байдгаа илэрхийлээд олон чиглэлээр санал солилцсон юм. Уулзалтын төгсгөлд талууд Монгол Улсын Зэвсэгт хүчин болон Хятадын Ардын Чөлөөлөх арми БНӨСУ-д явагдаж байгаа НҮБ-ын энхийг сахиулах ажиллагаанд мөр зэрэгцэн үүрэг гүйцэтгэж байгаа. Цаашдаа энхийг дэмжих ажиллагааны чиглэлээр хамтын ажиллагааг өргөжүүлэх талаар ярилцав. Энэхүү уулзалтад Монгол Улсын талаас ЗХЖШ-ын АУГ-ын орлогч дарга, бригадын генерал Л.Онцгойбаяр, Зэвсэгт хүчний Хуурай замын цэргийн командлалын штабын дарга, хурандаа С.Дашзэвэг, ЗХЖШ-ын АУГ-ын хэлтсийн дарга, хурандаа Ч.Цогтжаргал, ЗХЖШ-ын Энхийг дэмжих-цэргийн хамтын ажиллагааны хэлтсийн ахлах мэргэжилтэн, хурандаа Н.Нямжаргал нарын албаныхан байлцсан юм. Дэслэгч генерал Лю Сяо Ву тэргүүтэй төлөөлөгчдийн айлчлал маргааш үргэлжилнэ.

Эс сурвалж: "Соёмбо" сонин

 


Сүүлд нэмэгдсэн
АРМИЙН ГЕНЕРАЛ О.Л.САЛЮКОВ МОНГОЛ УЛСАД АЙЛЧИЛЖ БАЙНА

2019 оны 08 сарын 21

Х.САНЧИРДОРЖ: ХАМГИЙН ХҮЧТЭЙ БАГУУДТАЙ УРАЛДСАН Ч БИД ЧАНСААГАА АХИУЛЖ ЧАДСАН

2019 оны 08 сарын 21

ЦЭНХЭР ДУУЛГАТНУУД ДҮРВЭГСДИЙН ХУАРАНД ХАМГААЛАЛТЫН 3 ЦЭГ БАРЬЖ ШИНЭЧЛЭН ЗАСВАРЛАЖЭЭ

2019 оны 08 сарын 20

ЭНХИЙГ САХИУЛАГЧИД “ДЭЛХИЙН ХҮМҮҮНЛЭГИЙН ӨДӨР”-ИЙГ НУТГИЙН ИРГЭДТЭЙ ТЭМДЭГЛЭЛЭЭ

2019 оны 08 сарын 20

П.ЧИНЗОРИГ: МАНАЙХНЫГ МЭРГЭЖЛИЙН МЭРГЭН БУУДАГЧИДТАЙ ЭН ТЭНЦЭХҮЙЦ ӨРСӨЛДЛӨӨ ГЭДГИЙГ ШҮҮГЧИД ХЭЛЖ БАЙСАН

2019 оны 08 сарын 20

ЗЭВСЭГТ ХҮЧНЭЭ СУРТАЛЧЛАХ, ЭНХ ТАЙВАН ЦАГ ИРСНИЙГ ИЛТГЭХ ДУГУЙТАЙ ЭРГҮҮЛИЙГ ГҮЙЦЭТГЭЛЭЭ

2019 оны 08 сарын 19

ЦАГДАА ДОТООДЫН ЦЭРГИЙН АЛБА ХААГЧДЫГ СУРГАЛТАД ХАМРУУЛЖЭЭ

2019 оны 08 сарын 19

МОНГОЛ УЛСЫН ЗХЖШ-ЫН ДАРГА, ХОШУУЧ ГЕНЕРАЛ А.ГАНБАТ ОХУ-Д АЛБАН ЁСНЫ АЙЛЧЛАЛ ХИЙЖ БАЙНА

2019 оны 08 сарын 18

“СЭЛЭНГЭ-2019” БАЙЛДААНЫ БУУДЛАГАТАЙ ХЭЭРИЙН СУРГУУЛИЛТ ЭХЭЛЛЭЭ

2019 оны 08 сарын 16

ХОШУУЧ ГЕНЕРАЛ РОМАН БИНЮКОВ: “МОНГОЛЫН ТАНКЧИД ЧАНСААГАА АХИУЛЖ, ОРОЛЦОГЧ ОРНУУДАД АЙДАС ТӨРҮҮЛЛЭЭ”

2019 оны 08 сарын 16

Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1275

Веб холбоос: 9

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019