"ХААНЫ ЭРЭЛД-2019"-ИЙН ТӨЛӨВЛӨЛТИЙН ТӨГСӨЛТИЙН ШАТНЫ ХУРАЛ АМЖИЛТТАЙ БОЛЛОО

2019 оны 04 сарын 21

     "Хааны эрэлд-2019" энхийг сахиулах олон улсын сургуулийн төлөвлөлтийн төгсөлтийн шатны хурал энэ сарын 15-19-ний өдрүүдэд Улаанбаатар хотноо амжилттай зохион байгуулагдлаа. Төгсөлтийн шатны хуралд Монгол Улс, АНУ, Япон, БНСУ, БНЭУ, Канад, Катар, Австрали, Швед, Индонези зэрэг 10 орны 60 гаруй цэргийн алба хаагч оролцож, "Хааны эрэлд-2019" сургуулийн сургалтуудын талаар нэгдсэн шийдвэрт хүрсэн юм. Энэ жилийн сургуулийг Монгол Улсын Зэвсэгт хүчин, Энэтхэг-Номхон далай дахь АНУ-ын Тэнгисийн явган цэргийн командлал, "Дэлхийн энхийн төлөөх санаачилга" байгууллагууд хамтран зохион байгуулах бөгөөд энхийг сахиулагчдын үүрэг гүйцэтгэх чадавхыг нэмэгдүүлэхэд гол анхаарлаа хандуулж, сургалтын цар хүрээг өргөжүүлсэн байна. Сургуулийн хүрээнд команд штабын сургууль, ротын сургууль, салаадын тактикийн хээрийн сургууль, штабын сургалт дадлага болон чадавхыг нэмэгдүүлэх бусад сургалтууд явагдана. Чадавхыг нэмэгдүүлэх сургалтуудад иргэдийн үймээнтэй тэмцэх, байрзүйн сургалтууд шинээр нэмэгджээ. Дашрамд дурдахад "Дэлхийн энхийн төлөөх санаачилга" нь хамгийн сүүлд 2016 онд уг олон улсын сургуулийг хамтран зохион байгуулалцсан бөгөөд Монгол Улсын Зэвсэгт хүчний энхийг дэмжих ажиллагааны чадавхыг нэмэгдүүлэхэд олон талаар туслалцаа үзүүлж байсан байгууллага юм. Төгсөлтийн шатны хурлын хаалтын ёслолд ЗХЖШ-ын орлогч дарга, хошууч генерал Ж.Бадамбазар оролцож, уг сургуульд оролцохоор мэдүүлгээ өгөөд байгаа улс орнуудын Зэвсэгт хүчний удирдлагууд болоод хамтран зохион байгуулагч Энэтхэг-Номхон далай дахь АНУ-ын Тэнгисийн явган цэргийн командлал, "Дэлхийн энхийн төлөөх санаачилга" байгууллагуудад талархал илэрхийлсэн юм. Энэ жилийн сургууль ирэх 6 дугаар сард зохион байгуулагдах бөгөөд 30 гаруй орны цэргийн алба хаагч оролцох гэнэ. 

"Хааны эрэлд" сургуульд өнгөрсөн 16 жилийн хугацаанд таван тивийн 52 орны 15 мянга гаруй цэргийн алба хаагч хамрагдсан байна.

Эх сурвалж: "Соёмбо" сонин

 


Сүүлд нэмэгдсэн
МОНГОЛ УЛСЫН ЭНХИЙГ САХИУЛАГЧИД ҮҮРЭГ ГҮЙЦЭТГЭЛТ САХИЛГА ЗОХИОН БАЙГУУЛАЛТААРАА ҮЛГЭР ДУУРИАЛАЛ БОЛЖ БАЙНА

2019 оны 10 сарын 11

ЗЭВСЭГТ ХҮЧНИЙ ЖАНЖИН ШТАБЫН ДАРГА Д.ГАНЗОРИГТ ХОШУУЧ ГЕНЕРАЛ ЦОЛ ОЛГОЛОО

2019 оны 10 сарын 10

МОНГОЛ УЛСЫН ЕРӨНХИЙЛӨГЧИЙН ЗАРЛИГААР ЗЭВСЭГТ ХҮЧНИЙ 124 ДҮГЭЭР АНГИЙГ ЦЭРГИЙН ГАВЬЯАНЫ ОДОНГООР ШАГНАВ

2019 оны 10 сарын 09

УУЛЫН ЯВГАН ЦЭРГИЙН СУРГАЛТ ЯВАГДАЖ БАЙНА

2019 оны 10 сарын 07

ЗЭВСЭГТ ХҮЧНИЙ ЖАНЖИН ШТАБЫН ДАРГААР БРИГАДЫН ГЕНЕРАЛ Д.ГАНЗОРИГ ТОМИЛОГДЛОО

2019 оны 10 сарын 04

АФГАНИСТАНД ҮҮРЭГ ГҮЙЦЭТГЭХ ЦЭРГИЙН БАГ ЗЭВСЭГТ ХҮЧНИЙ ЖАНЖИН ТУГАНД ХҮНДЭТГЭЛ ҮЗҮҮЛЛЭЭ

2019 оны 10 сарын 02

ЗЭВСЭГТ ХҮЧНИЙ УДИРДЛАГУУД АХМАДУУДДАА ХҮНДЭТГЭЛ ҮЗҮҮЛЛЭЭ

2019 оны 09 сарын 30

ЕРӨНХИЙЛӨГЧ Х.БАТТУЛГА БАРИЛГЫН ЦЭРГИЙН 017 ДУГААР АНГИЙГ БҮТЭЭН БАЙГУУЛАЛТЫН АЖИЛД МАНЛАЙЛАН ОРОЛЦОХ АСУУДАЛД АНХААРЧ АЖИЛЛАХЫГ ҮҮРЭГ БОЛГОЛОО

2019 оны 09 сарын 30

Б.БАТ-ЭРДЭНЭ: ЭНХИЙГ САХИУЛАХ АЖИЛЛАГААНД ҮҮРЭГ ГҮЙЦЭТГЭСЭН АЛБА ХААГЧДАД НҮБ-ААС ЦАЛИН ОЛГОДОГГҮЙ

2019 оны 09 сарын 25

БАТЛАН ХАМГААЛАХ САЛБАР ТӨВ ТАЛБАЙД ҮЙЛ АЖИЛЛАГААГАА СУРТАЛЧИЛЛАА

2019 оны 09 сарын 25

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019