БЖОЕРН ГАУТЕ ХЕРЛИНГ: МОНГОЛЫН БАГИЙН ҮҮРЭГ ГҮЙЦЭТГЭЛД СЭТГЭЛ ХАНГАЛУУН БАЙНА

2019 оны 07 сарын 25

          Бентью хотод энэ сарын 23-24-ний өдрүүдэд UNMISS ажиллагааны хүчний командлалын штабын дарга, бригадын генерал Бжоерн Гауте Херлинг тэргүүтэй ажлын хэсгийн төлөөлөгчид ажилласан. Тэрээр энэ үеэр гадаадын цэргийн баг тэр дундаа Монгол Улсын мотобуудлагын батальоны VIII хамгаалалтын Сьерра 3, 8 дугаар цэгт үүрэг гүйцэтгэж байсан цэргийн алба хаагчид болон “Хубилай” баазын эргүүл, цуваа, дотоодын дүрвэгсдийн хуарангын хамгаалалт, дүрвэгсдийн ахуй байдал, Засгийн газрын цэргийн хүчний үйл ажиллагаа, мандатын хэрэгжилтийн явцтай танилцлаа. 

          Мөн түүнчлэн манай улсын мотобуудлагын батальоны VIII ээлжийн багийнхан хүндэт генералыг угтаж, батальоны танилцуулга, хариуцлагын бүс, дотоодын дүрвэгсдийн хуарангийн цагийн байдал, харуул, хамгаалалт, НҮБ-ын харьяа байгууллага, албан тушаалтантай хамтран хэрэгжүүлж буй арга хэмжээний талаар ч дурдав. Тэрээр уулзалтын төгсгөлд Монгол гэрээр зочлон “Монгол Улсын батальоны танилцуулга, бүтээн байгуулалт, харуул, хамгаалалт, үүрэг гүйцэтгэлтэд сэтгэл хангалуун байгаа” гэдгээ “Хүндэтгэлийн дэвтэр”-т бичиж үлдээв.

Эх сурвалж: ЗЭВСЭГТ ХҮЧНИЙ ЖАНЖИН ШТАБ


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019