СУДАНД ҮҮРЭГ ГҮЙЦЭТГЭЖ БУЙ АЛБА ХААГЧДАД ЗАХИДАЛ ИЛГЭЭЖЭЭ

2019 оны 08 сарын 12

               Сурагчийн ширээнээс илгээсэн чин сэтгэлийн захидал Суданд үүрэг гүйцэтгэж байгаа цэргийн алба хаагчдын сэтгэлийг сэргээж эх орноор нь аялуулж, эрч хүч урам зориг нэмсэн нь энэ сарын онцлох үйл явдал байлаа.
Зэвсэгт хүчний Жанжин штаб, Нийслэлийн Засаг даргын Тамгын газар, Нийслэлийн Боловсролын газраас “Олон улсын энхийг сахиулагчдын өдөр”-ийг тохиолдуулан ерөнхий боловсролын сургуулиудын ахлах ангийн сурагчдын дунд “Энхийг сахиулж байгаа Монгол цэргүүдэд хүргэх чин сэтгэлийн үг” ил захидлын аяныг өрнүүлсэн.  БНӨСУ-д НҮБ-ын UNMISS ажиллагаанд үүрэг гүйцэтгэж байгаа Монгол Улсын Зэвсэгт хүчний мотобуудлагын батальоны VIII ээлжийн энхийг сахиулагчдад 6 дүүргийн 24 сургуулийн дунд болон ахлах ангийн сурагчдын илгээсэн 750 гаруй ил захидлыг хүлээн авч, Хубилай, Арвай, Эко баазуудад үүрэг гүйцэтгэж байгаа ах эгч нар нь та бүхний бичсэн чин сэтгэлийн үгтэй ил захидлыг уншин танилцаж үүрэг гүйцэтгэж байгаа цэргийн алба хаагчдын хүүхдүүд, дүү нараас нь ирсэн ил захидлыг хүлээлгэн өглөө.
Бид бүгдэд ирсэн захидлууд бүгд сайхан, улс оронд болж байгаа сайн муу үйл явдлыг хүүхдийн гэнэн цагаан сэтгэлээр дүрслэн бичсэн байсан нь инээд хөөр цалгисан сэтгэгдэл төрүүлж байсан гэдгийг онцлон тэмдэглээд нийслэлийн 13 дугаар сургуулийн 12-б ангийн сурагч Ариунжаргалаас бидэнд ирүүлсэн захидлыг та бүхэндээ хүргэж байна.
“Сайн байна уу?
                         Таньд энэ дулаахан захиа очих халуухан өдрийн мэндийг хүргэе.
       Магадгүй та хэзээч намайг харж байгаагүй байх, гэхдээ би ч бас таныг хараагүй, халуун оронд шантарч л болдоггүй юм шүү ахаа. Аан бас усаа сайн шүүж уугаад биеэ сайн бодоорой, нээрээ сониноос махны зах зээлийг Монголд хятадууд эзгэнэчихсэн байгаа, түүнээс болоод махны үнэ огцом нэмэгдсэн нь миний сэтгэлийг зовоож байна. За тэр ч яахав та минь дэлхийн хамгийн буянтай ажлыг хийж яваа шүү, хурдан эх орондоо ирээд, эх орныхоо ирээдүйг илүү сайн болгоорой, бас хоорондоо эвтэй сайхан байгаарай, удахгүй наадам болоод хуушуур иднэ гэхээр тэсэхгүйнээ, бас удахгүй би “ЭЕШ” өгнө, та нар миний төлөө намайг 800 аваасай гэж залбирахыг хүсэж байна.
Мэдээж эх орноосоо хол байгаа тул гэрээ санаж болох л юм. Тэглээ гээд битгий уйлаарай, бас аюултай газар байгаа тул болгоомжтой байгаарай, энд ирээд ихийг хийж бүтээнэ гэдэгт итгэлтэй байна. Өө мартчихаж, манай “ЭЕШ”-ийн шалгалт 6 дугаар сарын 19, 20, 21- ний өдрүүдэд Ариунжаргал минь 800 оноо аваарай гэж бодвол миний барцад арилан, тэр өдрөө сайн шалгалтаа өгч хүссэн сургуульдаа орох юм. Та битгий мартаарай. За за энэхүү захидал энд хүрээд өндөрлөж байна таньд маш их амжилт хүсье” гэсэн ерөөлийн үгтэй захидлыг хүлээн авч эх дэлхийн энхийн төлөө хүчин зүтгэж яваа энхийг сахиулагч ах эгч нар нь эрдэм номын өргөөнөөс мэндчилсэн эрхэм Монгол дүү нартаа сурлага, урлаг спортын өндөр амжилт, амьдралд нь эрүүл энх хамгийн сайн сайхныг хүсэн ерөөе.

Эх сурвалж: ЗЭВСЭГТ ХҮЧНИЙ ЖАНЖИН ШТАБ


Сүүлд нэмэгдсэн
МОНГОЛ УЛСЫН ЭНХИЙГ САХИУЛАГЧИД ҮҮРЭГ ГҮЙЦЭТГЭЛТ САХИЛГА ЗОХИОН БАЙГУУЛАЛТААРАА ҮЛГЭР ДУУРИАЛАЛ БОЛЖ БАЙНА

2019 оны 10 сарын 11

ЗЭВСЭГТ ХҮЧНИЙ ЖАНЖИН ШТАБЫН ДАРГА Д.ГАНЗОРИГТ ХОШУУЧ ГЕНЕРАЛ ЦОЛ ОЛГОЛОО

2019 оны 10 сарын 10

МОНГОЛ УЛСЫН ЕРӨНХИЙЛӨГЧИЙН ЗАРЛИГААР ЗЭВСЭГТ ХҮЧНИЙ 124 ДҮГЭЭР АНГИЙГ ЦЭРГИЙН ГАВЬЯАНЫ ОДОНГООР ШАГНАВ

2019 оны 10 сарын 09

УУЛЫН ЯВГАН ЦЭРГИЙН СУРГАЛТ ЯВАГДАЖ БАЙНА

2019 оны 10 сарын 07

ЗЭВСЭГТ ХҮЧНИЙ ЖАНЖИН ШТАБЫН ДАРГААР БРИГАДЫН ГЕНЕРАЛ Д.ГАНЗОРИГ ТОМИЛОГДЛОО

2019 оны 10 сарын 04

АФГАНИСТАНД ҮҮРЭГ ГҮЙЦЭТГЭХ ЦЭРГИЙН БАГ ЗЭВСЭГТ ХҮЧНИЙ ЖАНЖИН ТУГАНД ХҮНДЭТГЭЛ ҮЗҮҮЛЛЭЭ

2019 оны 10 сарын 02

ЗЭВСЭГТ ХҮЧНИЙ УДИРДЛАГУУД АХМАДУУДДАА ХҮНДЭТГЭЛ ҮЗҮҮЛЛЭЭ

2019 оны 09 сарын 30

ЕРӨНХИЙЛӨГЧ Х.БАТТУЛГА БАРИЛГЫН ЦЭРГИЙН 017 ДУГААР АНГИЙГ БҮТЭЭН БАЙГУУЛАЛТЫН АЖИЛД МАНЛАЙЛАН ОРОЛЦОХ АСУУДАЛД АНХААРЧ АЖИЛЛАХЫГ ҮҮРЭГ БОЛГОЛОО

2019 оны 09 сарын 30

Б.БАТ-ЭРДЭНЭ: ЭНХИЙГ САХИУЛАХ АЖИЛЛАГААНД ҮҮРЭГ ГҮЙЦЭТГЭСЭН АЛБА ХААГЧДАД НҮБ-ААС ЦАЛИН ОЛГОДОГГҮЙ

2019 оны 09 сарын 25

БАТЛАН ХАМГААЛАХ САЛБАР ТӨВ ТАЛБАЙД ҮЙЛ АЖИЛЛАГААГАА СУРТАЛЧИЛЛАА

2019 оны 09 сарын 25

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019