Б.СЭРГЭЛЭН: МОНГОЛ УЛСЫН БҮТЭЭН БАЙГУУЛАЛТАД ГАР БИЕ ОРОЛЦОЖ БУЙ ЦЭРГИЙН АЛБА ХААГЧИДДАА СЭТГЭЛИЙН ДЭМ ӨГӨХӨӨР ЭНЭ АЖЛЫГ САНААЧИЛСАН

2019 оны 09 сарын 05

        Монгол Улсын зам тээврийн салбарт өрнөж буй ажил яах аргагүй бүтээн байгуулалт. Зэвсэгт хүчний бүтээн байгуулалтын 7781 дүгээр анги байгуулагдан Зүүнбаян-Тавантолгой чиглэлийн төмөр замын далан босгох ажилд цэргийн алба хаагчид оролцож байна. Тэдний эх орныхоо бүтээн байгуулалтад оролцож буйд дэм болохоор “Сэгитекс” ХХК-ийн ерөнхий захирал Б.Сэргэлэн санаачлан 7.4 сая төгрөгийн үнэ бүхий 200 гаруй ноосон майк, малгайг цэргийн алба хаагчдад зориулан үйлдвэрлэн гаргаснаа бидэнд танилцуулав. Бид энэ талаар нь тодрууллаа.

-Та эхлээд өөрийгөө бидэнд танилцуулаач?
-Намайг Б.Сэргэлэн гэдэг. “Сэгитекс” ХХК-ийн ерөнхий захирал. Манайх байгуулагдаад 10 жил болох гэж байгаа. Бид Германы сүлжмэлийн дэлхийн нэг номерын үйлдвэрлэгч “Штолл” гэж компанийн албан ёсны төлөөлөгч нь юм. Тухайлбал, “Ноу хау” оруулж ирж байгаа. Нэг үгээр хэлэхэд сүлжмэлийн машинаа бүх ноос ноолуур үйлдвэрлэдэг компанид зарж борлуулна. Мөн программист машин баригч ажиллах хүмүүсийг бэлтгэн, тухайн үйлдвэрт шаардлагатай бүхий л үйлчилгээ үзүүлдэг гэсэн үг. Бид Монголд ажиллаж буй ноос ноолуурын том үйлдвэрүүд бүгдэд сүлжмэлийн машинаа худалдсан. Бид машинаа зарахаас гадна давхар сэлбэг үйлчилгээ хариуцдаг юм. 

-Манай бүтээн байгуулалтад ажиллаж буй цэргийн алба хаагчдад бэлэгтэй ирсэн гэсэн?
     -Нээх олон ширхэг биш ч энэ удаад бид 200 ширхэг майк, ноосон малгайг өгөхөөр аваад ирлээ. Ноосон бүтээгдэхүүн үйлдвэрлэдэггүй ч төмөр замдаа ажиллаж буй цэргүүддээ ямар нэг зүйл хийж өгнө гээд урт ханцуйтай цамц байснаас дулаахан гээд майк сонгоод хүйтэнд каск өмсөж байгаа учраас дулаахан гээд нимгэн малгай хийж өгсөн. Удахгүй бид Дорноговь аймгийн Зүүнбаян баг, Мандах суманд ажиллаж буй бүтээн байгуулагч цэрэг эрсдээ өгөхөөр явна.

-Та яагаад энэ бүхнийг хийе гэж бодсон бэ?
           -Энэ жилийн хавар армийнхныг бүтээн байгуулалтад орж байна гэдэг мэдээлэл хараад олон нийтийн мэдээллийн хэрэгслээс олж хараад тэнд оролцож байгаа алба хаагчдыг дэмжиж хүмүүсийг урам өгөх вэ гэж бодоод хувцас юм уу ямар нэг юм хийж өгье гэсэн санаа гаргаад ярилцаж байгаад хийж эхэлсэн. Яг хийхдээ бол оройтож 6 дугаар сардаа ярьж эхлээд үзүүлэнгийн 2 машин дээрээ хийгээд ирлээ. Хүн сургаж дадлага хийлгэдэг машин дээрээ өөрсдөө ноосон майкыг малгайтай нь сүлжиж дуусгасан. Утас нь дууссан, цаг ч бага байлаа хэмжээндээ тохируулаад хийсэн. Мөн найзаасаа хойш ийм зүйл хийнэ гэж боддог байсан маань сая биелэлээ оллоо.
-Найз гэхээр?
          -Польшид артиллерийн цэргийн сургууль төгсөж ирсэн манай 8 сонсогчийн нэг армид По хэмээх тодотголтой Ц.Ганбаатар Найз минь өнгөрсөн жил талийгаач болсон. Анд минь Зэвсэгт хүчинд түрүүч цолтой бага даргаар ажилладаг байсан. Найз нөхөрлөлийн холбоогоор би цэрэг армийнхны мэдээлэлтэй болж хамтдаа уулздаг сайхан андууд байлаа. Энэ л үүднээс би найзынхаа гэгээн дурсгалд мөн Монгол Улсын бүтээн байгуулалтад гар бие, сэтгэл зүрхээ зориулан оролцож буй алба хаагчиддаа сэтгэлийн дэм өргөхөөр энэ ажлыг санаачилсан. Гэвч харамсалтай нь тоо ширхэг нь олон байж чадсангүй. Дараа нь боломжтой бол би нэмээд хийж өгч болно. 
-Танд баярлалаа.

Эх сурвалж: ЗЭВСЭГТ ХҮЧНИЙ ЖАНЖИН ШТАБ


Сүүлд нэмэгдсэн
МОНГОЛ УЛСЫН ЭНХИЙГ САХИУЛАГЧИД ҮҮРЭГ ГҮЙЦЭТГЭЛТ САХИЛГА ЗОХИОН БАЙГУУЛАЛТААРАА ҮЛГЭР ДУУРИАЛАЛ БОЛЖ БАЙНА

2019 оны 10 сарын 11

ЗЭВСЭГТ ХҮЧНИЙ ЖАНЖИН ШТАБЫН ДАРГА Д.ГАНЗОРИГТ ХОШУУЧ ГЕНЕРАЛ ЦОЛ ОЛГОЛОО

2019 оны 10 сарын 10

МОНГОЛ УЛСЫН ЕРӨНХИЙЛӨГЧИЙН ЗАРЛИГААР ЗЭВСЭГТ ХҮЧНИЙ 124 ДҮГЭЭР АНГИЙГ ЦЭРГИЙН ГАВЬЯАНЫ ОДОНГООР ШАГНАВ

2019 оны 10 сарын 09

УУЛЫН ЯВГАН ЦЭРГИЙН СУРГАЛТ ЯВАГДАЖ БАЙНА

2019 оны 10 сарын 07

ЗЭВСЭГТ ХҮЧНИЙ ЖАНЖИН ШТАБЫН ДАРГААР БРИГАДЫН ГЕНЕРАЛ Д.ГАНЗОРИГ ТОМИЛОГДЛОО

2019 оны 10 сарын 04

АФГАНИСТАНД ҮҮРЭГ ГҮЙЦЭТГЭХ ЦЭРГИЙН БАГ ЗЭВСЭГТ ХҮЧНИЙ ЖАНЖИН ТУГАНД ХҮНДЭТГЭЛ ҮЗҮҮЛЛЭЭ

2019 оны 10 сарын 02

ЗЭВСЭГТ ХҮЧНИЙ УДИРДЛАГУУД АХМАДУУДДАА ХҮНДЭТГЭЛ ҮЗҮҮЛЛЭЭ

2019 оны 09 сарын 30

ЕРӨНХИЙЛӨГЧ Х.БАТТУЛГА БАРИЛГЫН ЦЭРГИЙН 017 ДУГААР АНГИЙГ БҮТЭЭН БАЙГУУЛАЛТЫН АЖИЛД МАНЛАЙЛАН ОРОЛЦОХ АСУУДАЛД АНХААРЧ АЖИЛЛАХЫГ ҮҮРЭГ БОЛГОЛОО

2019 оны 09 сарын 30

Б.БАТ-ЭРДЭНЭ: ЭНХИЙГ САХИУЛАХ АЖИЛЛАГААНД ҮҮРЭГ ГҮЙЦЭТГЭСЭН АЛБА ХААГЧДАД НҮБ-ААС ЦАЛИН ОЛГОДОГГҮЙ

2019 оны 09 сарын 25

БАТЛАН ХАМГААЛАХ САЛБАР ТӨВ ТАЛБАЙД ҮЙЛ АЖИЛЛАГААГАА СУРТАЛЧИЛЛАА

2019 оны 09 сарын 25

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019