Зэвсэгт хүчний Жанжин штабын 2021 оны шилдгүүдийг шалгаруулах ажлын хэсгийн хуралдаан энэ сарын 21-ний өдөр боллоо.

     Энэхүү хуралдааныг ЗХЖШ-ын нэгдүгээр орлогч дарга, хурандаа С.Ганбямба удирдаж явуулсан бөгөөд доорх номинацаар шилдгүүдийг шалгаруулах асуудлыг хэлэлцсэн юм. Үүнд:

     -Тэргүүний нэгж;

     -Тэргүүний удирдах албан тушаалтан;

     -Тэргүүний ахлах мэргэжилтэн;

     -Тэргүүний мэргэжилтэн;

     -Тэргүүний туслах мэргэжилтэн;

     -Тэргүүний ажилтан албан хаагч.

     Хуралдаанаас дээрх номинацад нэр дэвшүүлсэн хамт олон, албан тушаалтны энэ оны ажлын гүйцэтгэл, тайланг нэг бүрчлэн хэлэлцэж, олонхийн саналаар шилдгүүдээ тодрууллаа. Тухайлбал, ЗХЖШ-ын тэргүүний нэгжид 7 газар, хэлтэс өрсөлдсөн бол тэргүүний удирдах ажилтанд 4, тэргүүний ахлах мэргэжилтэнд 6, тэргүүний мэргэжилтэнд 7, тэргүүний туслах мэргэжилтэнд 6, тэргүүний ажилтан албан хаагчид 2 албан тушаалтан нэр дэвшиж, 2021 оны үйл ажиллагааны тайлан, ажил байдлын тодорхойлолтыг нь ирүүлсэн байна.

     Энэхүү хуралдааны шийдвэрийг үндэслэн ЗХЖШ-ын даргын тушаалаар 2021 оны шилдэг хамт олон болон албан тушаалтнуудыг зарлаж, шагналыг гардуулах болно.

Хурандаа Б.ОТГОНБАЯР