Зэвсэгт хүчний Жанжин штабын дэргэдэх Төрийн албаны зөвлөлийн салбар зөвлөлийн 2020 оны 01 дүгээр сарын 31-ны өдрийн 02 дугаар хуралдааны шийдвэр,

1. Томилох тухай.

         Засгийн газрын агентлагийн эрх зүйн байдлын тухай хуулийн 8 дугаар зүйлийн 8.3.5 дахь заалт, 8.4 дэх хэсэг, Цэргийн албаны тухай хуулийн 21 дүгээр зүйлийн 21.2 дахь хэсэг, Монгол Улсын Ерөнхийлөгчийн 2017 оны 01 дүгээр зарлигаар батлагдсан “Зэвсэгт хүчний Жанжин штабын дүрэм”-ийн 3 дугаар зүйлийн 3.1.6 дахь заалтыг тус тус үндэслэн Зэвсэгт хүчний ... дугаар ангийн захирагч,  Зэвсэгт хүчний Бүтээн байгуулалтын дэмжлэгийн газрын хэлтсийн дарга нарыг тус тус томилохоор шийдвэрлэв.

2. Монгол цэргийн өдөр, Зэвсэгт хүчний 99 жилийн ойг тохиолдуулан Монгол Улсын соёлын гавьяат зүтгэлтэн цолоор шагнуулах тухай

       Төрийн албаны тухай хуулийн 51 дүгээр зүйлийн 51.1.2 дахь заалт, Монгол Улсын Ерөнхийлөгчийн 2017 оны 01 дүгээр зарлигаар батлагдсан “Зэвсэгт хүчний Жанжин штабын дүрэм”-ийн 3 дугаар зүйлийн 3.1.6 дахь заалт, Батлан хамгаалахын сайдын 2019 оны А/383 дугаар тушаалыг тус тус үндэслэн Монгол цэргийн өдөр, Зэвсэгт хүчний 99 жилийн ойн баярыг тохиолдуулан Монгол Услын соёлын гавьяат зүтгэлтэн цолоор шагнуулах 1 алба хаагчийн нэр, саналыг Батлан хамгаалах яаманд уламжлахаар шийдвэрлэв.