Үндэсний эрх чөлөө, тусгаар тогтнолоо сэргээсний баярын өдрийг тохиолдуулан Батлан хамгаалах салбар, Зэвсэгт хүчнийхэнд шагналын хур буулаа. Монгол Улсын Ерөнхийлөгчийн зарлигаар “Цэргийн гавьяаны Улаан тугийн одон”-гоор Зэвсэгт хүчний 011 дүгээр ангийн жолооч, бэлтгэл сургагч ахлагч Д.Батдорж нар, “Цэргийн гавьяаны одон”-гоор ЗХЖШ-ын АУГ-ын мэргэжилтэн, дэд хурандаа Г.Хатанбаатар нар, “Алтан гадас одон”-гоор Зэвсэгт хүчний 310 дугаар ангийн жолооч Ж.Доржсүрэн нар, “Цэргийн хүндэт медаль”-аар ЗХЖШ-ын ХМТХ-ийн мэргэжилтэн, дэд хурандаа Х.Алтангэрэл, Зэвсэгт хүчний 310 дугаар ангийн эмнэлгийн хангалтын тасгийн дарга, дэд хурандаа Р.Алтантуяа нар, “Хөдөлмөрийн хүндэт медаль”-аар Зэвсэгт хүчний 303 дугаар ангийн слесарь Х.Батсайхан нарын алба хаагчид энгэрээ мялаалгалаа. Шагналыг ЗХЖШ-ын даргын үүрэг гүйцэтгэгч, нэгдүгээр орлогч дарга, хошууч генерал Р.Сүхбат нарын удирдлагууд гардуулан өгч, баяр хүргэсэн юм.


