Өвлийн өвгөн хаанаас ирдэг юм бол. Хүүхэд бүхэн ид шидийн орноос, цас мөстэй үлгэрийн орноос ирдэг гэдэгт итгэдэг. Тэгвэл Тусгай хүчний цэргийн командлалын хамт олноос санаачлан иргэн-цэргийн харилцааг бэхжүүлэх, гэр бүлийн найрсаг харилцааг эрхэмлэх, хүүхэд багачуудыг баярлуулах зорилгоор 2022 оны 12 дугаар сарын 29-ний өдөр Улаанбаатар хотын баруун, зүүн маршутаар цэргийн алба хаагчдынхаа гэр бүлд өвлийн өвгөнийг илгээж хүүхэд бүрт бэлэг гардуулан шинэ оны амжилт бүтээлийг хүсэн ерөөлөө.

             Айлчлан ирсэн өвлийн өвгөнд айл гэрийн хүүхдүүд баярлан хөөрч, авьяас чадвараа үзүүлэн сонирхуулж, өвлийн өвгөний захиасыг анхааралтай сонсож амлалт аван шинэ оноо аз жаргал, баяр хөөрөөр дүүрэн угтлаа.