ХЭЭРГИЙН ГАРАЛТ, ПОЛИГОНЫ ДАДЛАГУУД ЗОХИОН БАЙГУУЛАГДАЖ БАЙНА

Зэвсэгт хүчний Тусгай хүчний цэргийн 2021-2022 оны сургуулийн жилийн сургалтын нэгдсэн төлөвлөгөөний дагуу Тусгай хүчний командлалын харьяа нэгтгэл, ангиудын хээрийн гаралт, полигоны дадлага, байлдааны буудлагатай тактик хээрийн сургуулиуд амжилттай зохион байгуулагдаж байна.

Зэвсэгт хүчний 084 дүгээр анги Хужирбулан дахь Тусгай хүчний сургалтын төвд, Зэвсэгт хүчний 345 дугаар нэгтгэл болон 150 дугаар анги Зэвсэгт хүчний Сургалтын нэгдсэн төвийн районд, Зэвсэгт хүчний 330, 331 дүгээр ангиуд Сургалтын төвд тус тус сургалт, дадлагыг осол, зөрчилгүй зохион байгуулж, бие бүрэлдэхүүн онолын мэдлэгийг бататган салаа, салбарын жигдрэлтийг хангасан байна.

Зэвсэгт хүчний 350 дугаар анги хээрийн гаралт, полигоны дадлагыг зохион байгуулж, явуулахаар бэлтгэл ажлаа ханган ажиллаж байна.

Хошууч Э.Батжаргал