Батлан хамгаалахын сайдын тушаалаар Монголын ард түмний оюуны соёлын нандин өв болсон монгол бичгээ хадгалан хамгаалж, сурч эзэмших, түгээн дэлгэрүүлэх идэвхийг өрнүүлэх, бүх нийтийг сургах, монгол бичгийн хэрэглэх орчныг бий болгох зорилгоор монгол бичгийн уралдааныг Батлан хамгаалах яам, Зэвсэгт хүчний офицер ахлагч, ажилтан алба хаагч багш, судлаач, оюутан сонсогч, цэргийн гэрээт болон хугацаат цэргийн алба хаагчдын дунд зохион байгуулан шилдгүүдээ тодрууллаа. 

Тус уралдаан нийт таван төрлөөр явагдсан бөгөөд Зэвсэгт хүчний 084 дүгээр ангийн Суртал нэвтрүүлэгч ахмад Д.Мөнх-Өнөр "Компьютерт эх бичвэрийг монгол бичгээр шивэх төрөл"-д тэргүүн байр, "Уран бичлэгийн төрөл"-д дэд байр тус тус эзэлж, амжилттай оролцжээ.

Эх сурвалж "Соёмбо" редакци