ЗХЖШ-ын даргын тушаалаар эрхэлсэн албандаа үр бүтээлтэй ажиллаж байгаа зарим дэд хурандаад албан тушаалын зэрэглэлийн хурандаа цол олголоо. Тодруулбал, Тусгай хүчний цэргийн командлалын Сургалтын хэлтсийн дарга, дэд хурандаа Л.Баясгалан, Зэвсэгт хүчний 150 дугаар ангийн захирагч, дэд хурандаа Б.Олзбаяр нарт хурандаа цол олгов.

     ЗХЖШ-ын дарга, дэслэгч генерал Д.Ганзориг шинэхэн хурандаа нарт “Эрхэм цол хүртсэн та бүхэндээ баяр хүргэе. Хурандаа цол хариуцлага, үүргийг хамтад нь танд өгч байгааг сайтар ойлгох хэрэгтэй. Цэргийн дарга гэдэг цэргийн эрдэм мэдлэгтээ төгс, удирдан зохион байгуулахдаа гаргуун байхаас гадна цэргүүдээ боддог хүний төлөө гэсэн сэтгэлтэй байх хэрэгтэй. Та бүхний цаашдын албанд өндөр амжилт хүсье” гээд хамт олон, гэр бүл, найз нөхөд нь баяр хүргэсэн юм.