Монгол Улсад Нисэх хүчин үүсч хөгжсөний түүхт 100 жилийн ой, анги үүсэн байгуулагдсаны 55 жилийн ойг угтан бие бүрэлдэхүүний амралт чөлөөт цагийг зөв зохистой өнгөрүүлэх, хамт олонч эвсэг уур амьсгалыг бүрдүүлэх зорилгоор цасны баярын арга хэмжээг зохион байгууллаа.

     Баярын арга хэмжээнд ангийн удирдлага, хамт олон үндэсний дээл хувцасаараа гоёон ирж, алба салбарууд өөрсдийн туг далбаатай оролцсон ба “Цасны сумо”, “Цасны олс таталт”, “Морин барилдаан”, “Шилдэг үндэсний хувцастай хос” зэрэг тэмцээнүүдийг зохион байгуулж шилдгүүдээ тодрууллаа.

     Энэхүү арга хэмжээний үеэр ангиас цэргийн гавьяаныхаа амралтанд гарсан болон шилжин явсан алба хаагчдад ангийн удирдлага, хамт олон хүндэтгэл үзүүлж, дурсгалын зүйлс хадгалуулан, хамт олноороо цэвэр агаарт нэгэн өдрийг өнгөрүүллээ.

                                                                                       Дэслэгч С.Баярхүү