Монгол Улс, ОХУ-ын Зэвсэгт хүчний хамтарсан "Сэлэнгэ-2020" тактикийн хээрийн сургууль Зэвсэгт хүчний 016 дугаар нэгтгэлийн сургалтын бааз, зэвсэглэл, цэргийн техникийг түшиглэн Төв аймгийн нутаг дэвсгэрт 10 дугаар сарын 5-ны өдрөөс эхэлсэн билээ. Сургуульд Зэвсэгт хүчний Хуурай замын цэргийн нэгтгэл, ангиудын офицер, ахлагчаас гадна цэргийн гэрээт алба хаагчид оролцож, цэргийн хэргийн мэдлэг дадлага, ур чадвар, үүрэг гүйцэтгэх чадавхаа нэмэгдүүлж байгаа юм.