Цэргийн албанд салааны захирагч хамгийн сайхан ажил билээ. Цэргүүдийнхээ дунд баярын өдрөөр аав шиг нь заларч, хэцүү үед найз шиг нь тусалж, даргын ёсоор чиглүүлж, ахын зангаргаар зааварлаж, эр хүн шиг эр хүн, цэрэг хүн шиг цэрэг бэлтгэдэг шидтэй ажил. Гэрэл зурагт нас хэдий хол биш боловч дайчдынхаа дунд аав шиг нь ханхайн суусан салааны захирагч харагдав. Тэд ингэж л уусаж, ингэж л амь нэгтэй болдог улс. Ирэх сард 2024 оны хоёрдугаар ээлжийн цэрэг татлага эхэлнэ.