ЗХЖШ-ын нэгдүгээр орлогчийн ирүүлсэн албан даалгаврын дагуу Зэвсэгт хүчний Хуурай замын цэргийн командлалаас 2024 оны хоёрдугаар ээлжийн хугацаат цэргийн алба хаагчдад цэргийн мэргэжил олгох сургалтын явцын талаарх мэдээллийг долоо хоног бүрийн баасан гаригт нэгтгэн боловсруулж, харилцан ярилцаж байна. Энэ жишгийн дагуу 10 дугаар сарын 25-ны өдөр командлалын Сургалт бэлтгэлийн хэлтсийн дарга хурандаа Т.Тогмиддүүмий Хуурай замын цэргийн нэгтгэл, ангийн Сургалтын төвийн удирдах бүрэлдэхүүнтэй цахим хурал хийж, шинэ дайчдын судалгаа, хувийн зан чанарын байдал, тэдэнтэй явуулж буй сургалтын явц, үр дүн, соёл хүмүүжлийн ажлын талаар тодруулж, тодорхой асуудлуудаар үүрэг чиглэл өглөө.