Зэвсэгт хүчний Хуурай замын цэргийн командлал нь сургуулийн жилийн төлөвлөгөөний дагуу харьяа нэгтгэл, ангиудын 2024 оны жилийн эцсийн төсвийн гүйцэтгэл, санхүүгийн тайланг хүлээн авч байна. Энэ үеэр командлалын Санхүүгийн хэлтсийн дарга хурандаа Т.Анухатан санхүү, нягтлан бодох бүртгэлтэй холбоотой Монгол Улсын хууль, түүнийг хэрэгжүүлэхтэй холбогдон гарсан журам, зааврыг Зэвсэгт хүчний санхүүгийн үйл ажиллагаанд хэрэгжүүлэхэд санхүү, бүртгэлийн ажилтнуудын үүрэг, оролцоо их гэдгийг онцолж, санхүүчид мэргэжлийн ур чадвараа дээшлүүлэх, аудит болон бусад санхүүгийн шалгалтаар алдаа зөрчил гаргахаас сэргийлэхийг захиж байсан юм.