Монгол Улсын Ерөнхийлөгч Ухнаагийн Хүрэлсүх "Монгол цэргийн өдөр"-ийг тохиолдуулан 03 дугаар сарын 18-ны энэ өдөр төрийн цэргийн болон хууль сахиулах байгууллагуудад үр бүтээлтэй ажиллаж, эх орныхоо тусгаар тогтнол, батлан хамгаалах, хилийн халдашгүй дархан байдал, ард иргэдийнхээ аюулгүй байдлыг сахин хамгаалах үйлсэд оруулж буй хувь нэмрийг нь үнэлж нэр бүхий эрхмүүдэд төрийн дээд шагнал, одон, медаль хүртээлээ.

   Цэргийн гавьяаны одонгоор Зэвсэгт хүчний Хуурай замын цэргийн командлалын Цэргийн агаарын довтолгооноос хамгаалахын дарга, хурандаа Пүрэвийн Мөнх-Эрдэнэ нарын алба хаагчдад хүртээж, Зэвсэгт хүчний хөгжил, шинэчлэлд ухамсарт амьдралаа зориулж яваад нь талархал илэрхийллээ.