Зэвсэгт хүчний 325 дугаар ангийн 103 дугаар тусгай ротын хамт олон Зэвсэгт хүчний 100-н жилийн ойг угтан иргэн-цэргийн харилцааг бэхжүүлэх ажлын хүрээнд “Цэрэг дайчдаараа бахархая” сайн үйлсийн аяныг Ковид-19 цар тахлаас урьдчилан сэргийлэх бүх нийтийн өндөржүүлсэн бэлэн байдлын үед халдвар хамгааллын дэглэмийг сахин зохион байгууллаа.

     Тус “Цэрэг дайчдаараа бахархая” сайн үйлсийн аянаар Баянхонгор аймгийн Баянлиг сумд оршин суудаг амьжиргааны түвшин доогуур ахмад настан, өрөх толгойлсон эх, хөгжлийн бэрхшээлтэй иргэд болон айл өрхөд сар шинийн өмнөхөн буюу 2021 оны 02 сарын 11-ний битүүний өдөр гурил, будаа, элсэн чихэр, гоймон зэрэг хүнсний бүтээгдэхүүн, нүүрс түлээг хандив болгон өглөө.

     Энэ үеэр Баянхонгор аймгийн Баянлиг сумын удирдлага болон ард иргэд маш их баярласан талархсанаа илэрхийлж ажлын өндөр амжилт хүсэж уг сайн үйлсийн аянаар хүүхэд багачууд ирээдүйд цэргийн хүн болох хүсэл сонирхол нь бий болсон талаар эцэг эхчүүд нь дурдаж байлаа.

Ахмад Н.Мөнхбаатар