Гэр бүлийн хүчирхийлэл нь байнга хаалттай хаалганы цаана, гэр бүлдээ тайван, амгалан байх тэр орчинд үйлдэгддэг учраас хэн ч эхнэрээ, нөхрөө, хүүхдээ, эцэг эхээ хуулийн байгууллагад хандаж, хариуцлага тооцуулахыг хүсдэггүй байна.

     Харин энэ байдал улам даамжирсаар сүүлийн жилүүдэд гэр бүлийн хүчирхийлэл ихсэх хандлага байгаа тул Зэвсэгт хүчний 353 дугаар анги, бие бүрэлдэхүүний гэр бүлийг, гэр бүлийн хүчирхийллээс урьдчилан сэргийлэх зорилгоор Налайх дүүргийн цагдаагийн хэлтсийн мэргэжилтэн ахмад Н.Пунсалтай хамтарч сургалт, сурталчилгааны ажлуудыг зохион байгуулан явуулж байна.

     Уг сурталчилгааны ажлыг “Хүчирхийлэл удамших ёсгүй”, “Сэтгэл санааны хүчирхийлэл гэж юу вэ?”, “Гэр бүлийн хүчирхийлэлд өртсөн бол хаана хандах вэ?” зэрэг сэдвүүдийн хүрээнд явагдах юм.

Ахмад Г.Бямбасүрэн