Зэвсэгт хүчний 065 дугаар ангийн харьяа Зэвсэгт хүчний 086 дугаар тусгай ротын бие бүрэлдэхүүн “Монгол цэргийн өдөр”, Зэвсэгт хүчний 100 жилийн ойг тохиолдуулан тус ротоос гавьяаныхаа амралтад гарсан ахмад настнууддаа 2021 оны 03 дугаар сарын 18-ны өдөр хүлээн авч, хүндэтгэл үзүүллээ.

     Хүндэтгэлийн арга хэмжээний үеэр Сүхбаатар аймгийн Засаг даргын тамгын газраас, Сүхбаатар аймгийн Засаг даргын “Хүндэт тэмдэг”,  Сүхбаатар аймгийн “Хүндэт жуух” бичиг, Сүхбаатар аймгийн ИТХ-ын “Хүндэт өргөмжлөл”-өөр зарим ахмад дайчдыг  шагнаж, урамшууллаа.

     Мөн “Монгол цэргийн өдөр”, Зэвсэгт хүчний 100 жилийн ойг тэмдэглэн өнгөрүүлэх, иргэн-цэргийн харилцааг бэхжүүлэх ажлын хүрээнд Сүхбаатар аймгийн Баяндэлгэр сумын Хаан банктай хамтран асуулт хариултын “АХА” танин мэдэхүйн нөхөрсөг тэмцээнийг хоёр байгууллагын нийт бие бүрэлдэхүүний дунд халдвар хамгааллын дэглэмийг сайтар баримтлан амжилттай зохион байгуулж явууллаа.

     Тус тэмцээнд ахлах ахлагч Э.Эрдэнэбаатар тэргүүн байрт, ахлагч С.Бат-Орших дэд байрт тус тус шалгарч бусдыгаа хошуучиллаа.

Ахмад З.Анхбаяр