Батлан хамгаалахын яамны 110 жил, Зэвсэгт хүчний 100 жил, “Монгол цэргийн өдөр”-ийг тохиолдуулан Зэвсэгт хүчний 065 дугаар ангийн харьяа Зэвсэгт хүчний 278 дугаар байгууламжийн бие бүрэлдэхүүн “Бүтээлч ажлаар ойгоо угтъя” аяныг зохион байгуулав.

     Аяны хүрээнд тус байгууламжийн автотехникийн офицер, дэслэгч Б.Данзандоржоор ахлуулсан 7 цэргийн алба хаагч тавиулангийн хаалгануудыг завсарлах, шинээр будаж өнгийг сэргээх, дотор ханыг завсарлан, шохойдох, хагарсан цонхнуудыг шинээр сольж, хүрээнүүдийг будаж өнгө үзэмж сайжруулах зэрэг ажлыг хийж, ая тухтай ажиллах нөхцөл байдлыг бүрдүүллээ.

     Тавиулангийн засвар үйлчилгээ, тохижилтыг хийхэд зарцуулагдсан нэг сая хоёр зуун мянган төгрөгийг өөрсдийн нөөц бололцоонд тулгуурлан бүрдүүлсэн бөгөөд түүхт ойгоо ийнхүү бүтээлч ажлаар угтсан юм.

Ахмад З.Анхбаяр