Зэвсэгт хүчний 353 дугаар ангийн удирдлага Коронавируст халдвар /КОВИД-19/-ын цар тахалтай тэмцэх хариу арга хэмжээг эрчимжүүлэх, урьдчилан сэргийлэх зорилгоор Монгол Улсын засгийн газар, Улсын онцгой комиссоос гаргасан шийдвэрийг ангийн нийт бие бүрэлдэхүүнд түргэн шуурхай танилцуулж, хөл хорионы дэглэмийг сайтар сахих, шаардлагагүй тохиолдолд гэрээсээ гарахгүй байхыг уриалан “Бид нэг хамт олон аяныг” цахимаар өрнүүлэн ажиллаж байна.

     Тус аяны хүрээнд хүүхэд асрах чөлөөтэй байгаа болон энхийг дэмжих ажиллагаанд үүрэг гүйцэтгэж байгаа цэргийн алба хаагчдынхаа гэр бүлтэй нь онлайнаар холбогдож ар гэр амьдрал ахуйтай нь танилцан, санал сэтгэгдлийг сонслоо.

     Мөн гэрийн тусгаарлалтад байгаа цэргийн алба хаагчдад Зэвсэгт хүчний 324 дүгээр дивизионы удирдлага, хамт олон хүнсний хэрэгцээт бүтээгдэхүүнийг хандивлан сэтгэлийн дэм өглөө.

Ахмад Г.Бямбасүрэн