Монгол Улсад орчин цагийн Зэвсэгт хүчин үүсэж хөгжсөний түүхт 100 жилийн ой, Монгол цэргийн өдрийг тохиолдуулан Монгол Улсын Ерөнхийлөгч, Зэвсэгт хүчний Ерөнхий командлагч Халтмаагийн Баттулга 2021 оны гуравдугаар сарын 18-ны өдөр зарим анги, байгууллагыг төрийн дээд одон, медалиар шагнах тухай зарлиг гаргасан билээ.

     Тэгвэл зарлигийн дагуу шагнал гардуулах ёслолын үйл ажиллагаа өнөөдөр Зэвсэгт хүчний Сургалтын нэгдсэн төвд болж, шагналыг Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга гардуулан өглөө.

Цэргийн гавьяаны Улаан тугийн одонгоор Тагнуулын Ерөнхий газрын харьяа Цэргийн тагнуулын газрыг, Цэргийн гавьяаны одонгоор Зэвсэгт хүчний 234, 065, 303, 337 дугаар ангиуд болон Архангай аймгийн Онцгой байдлын газрыг шагнаснаа тус байгууллагуудын Байлдааны туганд хүндэтгэлтэйгээр зүүж өгсөн юм.