Орчин цагийн Зэвсэгт хүчний 100 жилийн ойг тохиолдуулан Зэвсэгт хүчний Агаарын цэргийн командлалын зарим алба хаагч Ерөнхийлөгчийн зарлигаар төрийн одон, медаль хүртлээ.

     Цэргийн гавьяаны улаан тугийн одонгоор тус командлалын Агаарын довтолгооноос хамгаалах хэлтсийн дарга, хурандаа Э.Батсайхан, Удирдлага төлөвлөлтийн хэлтсийн Бэлэн байдал, дайчилгааны офицер, дэд хурандаа К.Амгаланжамц, Цэргийн гавьяаны одонгоор Удирдлага төлөвлөлтийн хэлтсийн төлөвлөлтийн ахлах офицер, хурандаа Ж.Одсүрэн, Байлдааны жижүүрлэлтийн албаны Төв командын байрын дарга, хурандаа Д.Батмөнх, Цэргийн хүндэт медалиар Агаарын довтолгооноос хамгаалах хэлтсийн Зенит пуужингийн ахлах офицер-ерөнхий инженер, хурандаа Т.Энхбат шагнагдав. Мөн ОБЕГ-аас "Албаны төлөө-1" хүндэт медалиа Улсын нисэхийн хэлтсийн дарга, хурандаа Н.Очирбатад "Гамшиг ослын үед бидэнд дэмжлэг үзүүлж, ард түмний амь нас, эд хөрөнгө, байгаль орчныг авран хамгаалах үйлсэд оруулж буй хувь нэмэрт тань баярлалаа" хэмээн ирүүлснийг Агаарын цэргийн командлагч, хошууч генерал О.Энхбаяр гардуулан өгч, баяр хүргэлээ.Тэрээр цэргийн албыг сонгон, ажил, амьдралаа зориулж, бүр түүхт 100 жилийнхээ ойгоор алба хааж байна гэдэг том аз завшаан юм. Цэргийн алба зүтгэсэн эрхэмдээ хайртай, өгөөжтэй сайхан салбар. Эх орноо батлан хамгаалах ариун үйлстэй энэ салбарт хүч, хөдөлмөрөө зориулан ажиллаж байгаа та бүхнийхээ цаашдын ажил, амьдралд өндөр амжилт хүсье гээд Зэвсэгт хүчний 100 жилийн ойн медалиар нэр бүхий алба хаагчдыг шагнасан юм.