Агаарын цэргийн командлагчийн тушаалаар эрхэлсэн албандаа үр бүтээлтэй ажиллаж байгаа Зэвсэгт хүчний 065 дугаар ангийн захирагчийн зэвсэглэл, техник хариуцсан орлогч хошууч Н.Эрдэнэ-Очирт өнөөдөр албан тушаалын зэрэглэлийн “дэд хурандаа” цол олголоо.

     Зэвсэгт хүчний Агаарын цэргийн командлагч хошууч генерал О.Энхбаяр “дэд хурандаа” цолыг олгон, баяр хүргэж хэлсэн үгэндээ “Надад дэд хурандаа цол маш сайхан санагддаг юм. Учир нь дэд хурандаа цолтой байхдаа их олон ажил хийж бүтээж байсан юм. Харин таны хувьд радиотехникийн салбаруудыг хөдөлгөөнтэй байлгах нь маш чухал. Хөдөлгөхийн тулд техник бэлэн байх ёстой, Тийм болохоор илүү үүрэг хариуцлага танд ногдож байгаа гэсэн үг. Эрхэм хүндтэй цолныхоо эзэн нь байж, эрхэлсэн албандаа улам их амжилт гарган ажиллаарай” гээд баяр хүргэж, амжилт хүслээ.