Ардын хувьсгалын 100 жил, БХЯ үүсэн байгуулагдсаны 110 жилийн ойг тохиолдуулан БХЯ-ны “Дайчин алдар” медалийг БНӨСУ-ын энхийг сахиулах ажиллагааг удирдахаар шинээр томилогдсон НҮБ-ын Ерөнхий нарийн бичгийн даргын тусгай /SRSG/ төлөөлөгч ноён Николис Хайсомд бригадын генерал Б.Эрдэнэбат гардуулж өглөө.

     Энэ үеэр ноён Николис Хайсом Монгол Улс НҮБ-ын гишүүн орны хувьд олон улсын энх тайван аюулгүй байдлыг хангахад үнэтэй хувь нэмэр оруулж БНӨСУ-д явагдаж байгаа энхийг сахиулах ажиллагаанд цэргийн багаа илгээснээс хойш 9 жил болсон бөгөөд тус ажиллагааны халуун цэг болох Юнити мужид Монгол Улсын цэргийн баг мандатаар заагдсан үүргээ сайн гүйцэтгэж байгааг онцоллоо. Мөн тэрээр Батлан хамгаалахын сайдад талархсан сэтгэлээ илэрхийлээд цаашид байнга хамтран ажиллана гэлээ.

Эх сурвалж: Соёмбо сонин