ЗХЖШ-ын даргын А/226 тоот тушаалаар томилогдсон Зэвсэгт хүчний жинхэнэ албаны офицер, ахлагч нарын түвшин тогтоох үзлэгийн комисс Завхан аймгийн засаг даргын тамгын газрын цэргийн штабын бүрэлдэхүүн болон Зэвсэгт хүчний 325 дугаар ангийн нийт офицер, ахлагч нарын түвшин тогтоох үзлэгийг 2021 оны 10 дугаар сарын 13,14 -ны өдрүүдэд төлөвлөгөөний дагуу явууллаа.

     Тус үзлэгийг комиссын нарийн бичгийн дарга ЗХЖШ-ын Сургалтын бодлого, зохицуулалтын хэлтсийн дарга хурандаа Ш.Гантулгаар ахлуулсан комиссын бүрэлдэхүүн богино хугацаанд өндөр зохион байгуулалттай, амжилттай зохион байгуулж ажиллалаа. Түвшин тогтоох үзлэгт коронавирусийн халдвар авсан нь тогтоогдоод 14 хоноогүй алба хаагчид болон албан томилолтоор ажилтай яваа цэргийн алба хаагчдаас бусад офицер, ахлагч нарыг бүрэн хамрууллаа.

     Түвшин тогтоох үзлэгийн төгсгөлд дүнгийн хурлыг зохион байгуулж, түвшин тогтоох үзлэгийн комиссын нарийн бичгийн дарга хурандаа Ш.Гантулга нийт бие бүрэлдэхүүнд хандаж хувь хүн болгон өөрөө өөрийгөө хөгжүүлж чадвал ангийн сургалтын чанар ахих болно гэдгийг хэлж, шинэ хичээлийн жилдээ сурлага спортын өндөр амжилт гаргахыг хүсэн ерөөлөө.

АХМАД Н.МӨНХБААТАР