Монгол Улсын анхны 5 яамны нэг Батлан хамгаалах асуудал эрхэлсэн төрийн захиргааны төв байгууллага үүсэн байгуулагдсаны түүхт 110 жилийн ойн баярын мэндийг Монгол Улсын Засгийн газрын гишүүн, Батлан хамгаалахын сайд Г.Сайханбаяр Танд болон яамны удирдлага, хамт олонд Зэвсэгт хүчний Агаарын цэргийн нийт бүрэлдэхүүний нэрийн өмнөөс өргөн дэвшүүлье.

     Зэвсэгт хүчний Агаарын цэргийн үүрэг гүйцэтгэх чадавхыг нэмэгдүүлэх, зэвсэглэл, цэргийн техникийг шинэчлэлийг эрчимжүүлэх, бие бүрэлдэхүүний нийгмийн хамгааллыг сайжруулах, командлалын үйл ажиллагааны бие даасан байдлыг хангах зэрэг олон чухал зорилтыг хэрэгжүүлэхэд бодитой дэмжлэг үзүүлэн ажиллаж байгаа та бүхэнд гүнээ талархаж байгаагаа илэрхийлье.

     Та бүхний улс эх орон, Зэвсэгт хүчний хөгжилд үнэтэй хувь нэмэр оруулах ажил хөдөлмөрийн зам тань гэрэлтэй дардан байж, улам ихийг бүтээх их үйлсдээ өндөр амжилт гаргахыг хүсэн ерөөе.

ЗЭВСЭГТ ХҮЧНИЙ АГААРЫН ЦЭРГИЙН КОМАНДЛАГЧ ХОШУУЧ ГЕНЕРАЛ О.ЭНХБАЯР