“Монгол цэргийн өдөр”-ийг угтаж Зэвсэгт хүчний 065, 124 дүгээр ангийн тусгай салбаруудын дунд жил бүр уламжлал болгон зохион байгуулагддаг “Урлаг, спорт, мэргэжлийн цогцолбор” тэмцээнийг 2 дугаар сарын 19-ний өдөр зохион байгууллаа.

     Тэмцээнд Зэвсэгт хүчний 065 дугаар ангийн тусгай салбараас 30 гаруй цэргийн алба хаагч, Зэвсэгт хүчний 124 дүгээр ангийн тусгай салбараас 13 цэргийн алба хаагч оролцлоо. Спортын 7 төрлөөр өрсөлдсөн тэмцээнд Радиотелеграфчин төрөлд ахлах ахлагч Д.Гэрэлчулуун, Тэргүүний операторчин төрөлд ахлагч Ѳ.Отгончулуун, Тэргүүний планшетчин төрөлд, ахлагч Б.Амарбаясгалан, Шагайн харвааны төрөл Д.Амармандах, Ширээний теннис эрэгтэй төрөлд, ахлагч А.Болдхэт, эмэгтэй төрөлд, ахлагч Б.Эрдэнэтуул нар тэргүүн байр эзэллээ.

     Мөн Дартсын тэмцээний эрэгтэй төрөлд, ахлагч Ѳ.Отгончулуун, эмэгтэй төрөлд, ахмад Б.Эрдэнэтуул, Цэрэгжилтийн спортын буухиа тэмцээнд ахлах ахлагч Х.Энхтүвшин ахлагчтай баг, Волейболын тэмцээнд Н.Урантогос ахлагчтай баг, Сагсан бөмбөгийн тэмцээнд дэслэгч Н.Бямбадалай ахлагчтай баг тамирчид тус тус бусдыгаа манлайллаа.

Ахмад З.АНХБАЯР