Монгол Улсын Зэвсэгт хүчин энхийг сахиулах ажиллагаанд оролцож эхэлсний 20 жилийн ойн хүрээнд Исламын Бүгд Найрамдах Афганистан Улсад явагдсан “Афганистаны үндэсний армийг хөгжүүлэх хөтөлбөр”, “Тогтвортой эрх чөлөө” олон улсын ажиллагаанд үүрэг гүйцэтгэсэн “Нисдэг тэрэгний техник, засвар үйлчилгээний бүлгүүдийн туршлага, сургамж” сэдэвт хэлэлцүүлэг Зэвсэгт хүчний 303 дугаар ангийн байрлалд зохион байгуулагдлаа.

     Хэлэлцүүлэгт ЗХЖШ-ын Ажиллагааны удирдлага, төлөвлөлтийн хэлтсийн дарга, газрын даргын орлогч хурандаа Д.Дугаррагчаа, Ажиллагааны удирдлагын газрын Энхийг дэмжих ажиллагааны хэлтсийн ахлах мэргэжилтэн дэд хурандаа Н.Цогтгэрэл, Зэвсэгт хүчний Агаарын цэргийн командлалын захиргаа удирдлагын хэлтсийн дарга хурандаа Б.Баярсайхан, ангийн удирдлагууд болон үүрэг гүйцэтгэсэн 8 ээлжийн удирдлага, бие бүрэлдэхүүн оролцож ажиллагааны өмнөх бэлтгэлийн онцлог, үүрэг гүйцэтгэсэн бие бүрэлдэхүүний судалгаа, ар тал, техникийн хангалтын байдал, сэтгэл зүйн бэлтгэлжилт, ажиллагааны газар оронд тулгарч байсан хүндрэл бэрхшээл, тэдгээрийг даван туулсан туршлага, сургамж, ажиллагааны онцлогийг харуулсан ном, гэрэл зургийн цомог, алдрын танхимд дурсгалын буланг нээх зэрэг сэдвийн хүрээнд хэлэлцүүлгийг өрнүүлэв.

Ахмад Б.НАРАНБААТАР