Зэвсэгт хүчний 337 дугаар анги ЗХЖШ-аас 2023 оныг “Залуу офицерыг дэмжих жил” болгосонтой холбогдуулан ангийн үндсэн мэргэжлийн залуу офицер, ахлагч нарын мэргэжлийн болон тактикийн мэдлэг, ур чадвар, бие бялдрын бэлтгэлжилтийн түвшнийг үнэлэх, бие бүрэлдэхүүний мэргэжлийн бахархлыг дээшлүүлэх, “Агаарын цэргийн мэргэжлийн аварга офицер, ахлагч шалгаруулах тэмцээн”-д оролцох бүрэлдэхүүнийг сонгон шалгаруулах зорилгоор нийт бие бүрэлдэхүүний дунд “Ангийн цэргийн мэргэжлийн аварга офицер, ахлагч шалгаруулах тэмцээн”-ийг зохион байгууллаа.

     Тэмцээнийг удирдамжийн дагуу мэргэжлийн бэлтгэл, техникийн бэлтгэл, галын бэлтгэл, биеийн тамирын бэлтгэл, химийн нормативын бэлтгэл гэсэн үе шаттайгаар зохион байгуулж цэргийн алба хаагчдын түвшнийг үнэлж дүгнэлээ.

    Тэмцээний тэргүүн байрт офицеруудаас ахлах дэслэгч Б.Оюунболд, дэд байрт ахлах дэслэгч Б.Түмэн-Өлзий, гутгаар байрт ахлах дэслэгч Ц.Бат-Идэр, ахлагч нараас тэргүүн байрт ахлагч Б.Бат-Эрдэнэ, дэд байрт ахлагч Э.Мөнхбат, гутгаар байрт ахлагч Б.Ганбаяр нар шалгарч “Агаарын цэргийн командлалын мэргэжлийн аварга офицер, ахлагч шалгаруулах тэмцээн”-д оролцох эрхээ авлаа.

Ахмад Ж.САЙНЗАЯА