Зэвсэгт хүчний 325 дугаар ангийн 2022-2023 оны сургуулийн жилийн цэргийн сургалт, бэлтгэлийн төлөвлөгөөний дагуу энэ сарын 17-ны өдөр Завхан аймгийн “Орон нутгийн музей”-тэй хамтран ангийн ахлагч нарын цугларалтыг шинэлэг байдлаар зохион байгууллаа.

     Цугларалтаар 17 танхимын 3000 гаруй үзмэр, эд өлгийн зүйлс бүхий 98 жилийн түүхтэй музей болон Завхан аймгаас төрөн гарсан хоёр Ерөнхийлөгч, 13 хутагт, 25 генералын гавьяа, түүх, эдэлж хэрэглэж байсан эд өлгийн зүйлс бүхий “Алдартнуудын музей”-г ахлагчийн бүрэлдэхүүн үзэж сонирхлоо.

     Мөн энэ үеэр бие бүрэлдэхүүн Монголын оюун ухааны музейг үүсгэн байгуулагч, зохион бүтээгч З.Түмэн-Өлзийн бүтээсэн оньсон тоглоомоор оюун ухаанаа сорьсноос гадна ажиллаж амьдарч буй орон нутгийнхаа түүх соёлын талаарх мэдлэгээ ахиулсан, иргэн цэргийн харилцааг бэхжүүлсэн үр дүнтэй сургалт боллоо.

Б.ХАТАНБААТАР