Агаарын цэргийн харьяа ангиудын тайлангийн хурлыг 11 дүгээр сарын 30-ны өдөр, Агаарын цэргийн командлалын тайлангийн хурлыг 12 дугаар сарын 07-ны өдөр тус тус зохион байгуулж, жилийн ажлаа дүгнэлээ.

     Агаарын цэргийн командлалын тайлангийн хуралд ЗХЖШ-ын орлогч дарга, Цэргийн тагнуулын газрын дарга хошууч генерал А.Ганбат, ЗХЖШ-ын ХШҮГ-ын Мэргэжлийн хяналтын хэлтсийн дарга хурандаа Х.Алтанцоож нар оролцож, 2022 оны гүйцэтгэлийн төлөвлөгөөний биелэлтийн тайлантай танилцан зарим арга хэмжээний талаар нарийвчлан тодотгож, цаашид анхаарах асуудлуудаар зөвлөмж, чиглэл өгч, 2023 оны үйл ажиллагаанд амжилт хүслээ.

     Хурлын төгсгөлд Агаарын цэргийн командлагч хурандаа Т.Ганбат жилийн ажлынхаа ололт, дутагдлыг дүгнэн, Агаарын цэргийн нэн шинэ түүхийн эхлэл тавигдаж байгаа энэ үед ажлаа улам эрчимжүүлэх шаардлагатай байгааг онцлон тэмдэглэж, ирэх жилд дэвшүүлсэн зорилго, зорилтуудаа танилцууллаа.

АГААРЫН ЦЭРГИЙН КОМАНДЛАЛ