Зэвсэгт хүчний Агаарын цэргийн командлал 2022 онд хийж хэрэгжүүлсэн ажлаа тайлагнаж, цаашид хэрэгжүүлэх ажил, арга хэмжээ, бодлогоо тодотгохын зэрэгцээ энэ оны шилдгүүдээ тодрууллаа.

    Тодруулбал, "Агаарын цэргийн Тэргүүний анги"-аар хурандаа Ш.Аюурзана захирагчтай Зэвсэгт хүчний 353 дугаар анги, "Агаарын цэргийн Тэргүүний салбар"-аар Зэвсэгт хүчний 337 дугаар ангийн хошууч Б.Мягмарсүрэн захирагчтай сөнөөгч онгоцны скадриль, "Агаарын цэргийн Тэргүүний офицер"-оор Зэвсэгт хүчний 065 дугаар ангийн Тоон систем автоматжуулалтын албаны дарга, электрон автоматжуулалтын инженер хошууч Г.Ганзориг, "Агаарын цэргийн Тэргүүний ахлагч"-аар Зэвсэгт хүчний 337 дугаар ангийн ХРТХР-ийн радиомаркерын байрын гэрэлтүүлгийн тасгийн гэрэлтүүлгийн системийн техникч-жолооч ахлагч М.Хоролсүрэн, "Агаарын цэргийн Тэргүүний ажилчин албан хаагч"-аар Зэвсэгт хүчний 325 дугаар ангийн сантехникийн слесарь Г.Дашдэмбэрэл, "Агаарын цэргийн командлалын Тэргүүний бүтцийн нэгж"-ээр Хурандаа Г.Хашчулуун даргатай Материал техникийн хэлтэс, "Агаарын цэргийн командлалын Тэргүүний удирдах ажилтан"-аар Удирдлага, төлөвлөлтийн хэлтсийн дарга хурандаа Б.Мөнх-Ирээдүй, "Агаарын цэргийн командлалын Тэргүүний ахлах офицер"-оор Материал техникийн хэлтсийн техникийн хангалтын хангалтын ахлах офицер хурандаа С.Дашдондог, "Агаарын цэргийн командлалын Тэргүүний офицер"-оор Хүний нөөцийн хэлтсийн нөхөн хангалтын офицер ахмад Н.Баттөр нар тус тус тодорлоо.

     Шагналыг Зэвсэгт хүчний Агаарын цэргийн командлагч хурандаа Т.Ганбат болон Агаарын цэргийн штабын дарга бригадын генерал Б.Эрдэнэбат нар гардуулан өглөө.