Монгол Улсын Ерөнхийлөгч, Зэвсэгт хүчний Ерөнхий командлагч 2023 оныг “Залуу офицеруудын манлайлал”-ын жил болгосонтой холбогдуулан Агаарын цэргийн командлалаас офицеруудаа дэмжих, тэдний ажил үүргийг таниулах арга хэмжээг тасралтгүй зохион байгуулсаар байна.

     Тухайлбал, энэ сарын 13-ны өдөр Агаарын цэргийн залуу офицеруудын ар гэрийн төлөөлөл Зэвсэгт хүчний 303, 337, 353 дугаар ангиудад зочлон цэргийн ангиудын өдөр тутмын үйл ажиллагаа, офицеруудын ажлын орчин, нөхцөлтэй танилцсан юм.

     Уг арга хэмжээ нь залуу офицеруудын ар гэрт цэргийн алба хаагчдын ажлын онцлог, ачаалал, гүйцэтгэдэг үүрэг, мэргэжлийн ур чадвар зэрэг олон асуудлыг таниулан, ойлгуулж чадсанаараа онцлог байлаа.

АГААРЫН ЦЭРГИЙН КОМАНДЛАЛ