Зэвсэгт хүчний 303 дугаар анги нь залуу офицерууд болон тэдний гэр бүлд чиглэсэн шат дараатай үйл ажиллагааг төлөвлөн, зохион байгуулж байна. Тус төлөвлөгөөний дагуу ангийн залуу боловсон хүчний гэр бүлийн тогтвортой байдлыг хангах зорилгоор Хан-Уул дүүргийн Гэр бүл хүүхэд залуучуудын хөгжлийн хэлтэстэй хамтран сургалтыг  ангийн байрлалд зохион байгуулсан юм.

     Тус сургалтыг Хан-Уул дүүргийн Гэр бүл хүүхэд залуучуудын хөгжлийн Залуучуудын асуудал хариуцсан  ахлах мэргэжилтэн Б.Бямбацэцэг явуулж, бие бүрэлдэхүүнд “Гэр бүлийн харилцаа, зөрчил, маргаан”, “Гэр бүлийн зөрчил, маргааны үр дагавар”, “Хүйс ба жендэрийн эрх тэгш байдал”, “Гэр бүлийн хүчирхийлэл гэж юу вэ?”, “Аз жаргалтай гэр бүлийн талаар”, “Хүүхэд хүмүүжүүлэх эерэг арга”, “Эцэг эх байх ямар санагддаг вэ?”, “Хүүхдийн эрх гэж юу вэ? ” гэсэн сэдвүүдээр лекц орсноор бие бүрэлдэхүүнд гэр бүлийн эерэг харилцааг ойлгуулан таниулах, гэр бүлийн хоорондын зөрчил маргааныг таслан зогсоох үр дагаварыг ойлгуулах, гэр бүлийн 4 үеийн хямралыг хэрхэн оновчтой зөв даван туулах талаар онолын мэдлэг олгох, гэр бүлийн харилцааны талаар сэтгэл судлаачид эрдэмтдийн судалгааг танилцуулж, харилцан ярилцаж танин мэдэхүйн сэтгэлгээг хөгжүүлсэн үр дүнтэй сургалт боллоо.

ахмад Г.БИЛГҮҮТЭЙ